سچ خبریں:شامی ذرائع نے انکشاف کیا ہے کہ دہشت گرد تنظیم ہیئت تحریر الشام کے سرکردہ عناصر کی کچھ فون کالز منظرعام پر آئی ہیں، جن میں قتل و تشدد کے طریقوں کا ذکر کیا گیا ہے۔
المعلومہ نیوز ایجنسی کی رپورٹ کے مطابق، حالیہ ہفتوں میں دہشت گردوں نے فیلڈ میں پھانسی دینے، تشدد کرنے اور گھروں کو نذرِ آتش کرنے کی سینکڑوں ویڈیوز جاری کی ہیں، ان ویڈیوز نے شامی عوام اور عالمی رائے عامہ میں شدید غصے کو جنم دیا ہے۔
یہ بھی پڑھیں: الجولانی کی آمریت منظر عام پر
رپورٹس کے مطابق، ہیئت تحریر الشام کے رہنما سمجھتے ہیں کہ ان ویڈیوز کی اشاعت شام بلکہ عالمی سطح پر عوامی غم و غصے میں اضافہ کرے گی، اس لیے دہشت گرد عناصر کو ہدایت دی گئی ہے کہ وہ پھانسی، گرفتاری یا تشدد کے کوئی بھی ویڈیوز جاری نہ کریں۔
ذرائع نے مزید بتایا کہ ان کالز میں سب سے نمایاں جملہ "پوشیدہ طور پر تشدد کریں” سامنے آیا ہے، جو دہشت گرد رہنماؤں کی کالز میں بارہا دہرایا گیا۔
افشا ہونے والی فن کالز سے معلوم ہوتا ہے کہ قتل و تشدد صرف ذاتی کارروائیاں نہیں بلکہ جولانی کی تنظیم کی ایک طے شدہ حکمت عملی کا حصہ ہیں۔
مزید پڑھیں: شام میں مسلح گروہوں کے درمیان اختلافات میں شدت ؛الجولانی کی کرد ڈیموکریٹک فورسز کو وارننگ
یہ انکشافات شامی عوام کے لیے مزید مصائب اور عالمی برادری کے لیے سوالات اٹھا رہے ہیں کہ دہشت گردوں کے ان وحشیانہ اقدامات کے خلاف کب اور کیسے کارروائی کی جائے گی۔
