سعودی عرب ایران کے خلاف ٹرمپ کی دھمکیوں کے خلاف؛برطانوی اخبار کی رپورٹ  

سچ خبریں:برطانوی اخبار گارڈین نے اپنی ایک رپورٹ میں انکشاف کیا ہے کہ خلیجی ممالک، بالخصوص سعودی عرب، امریکی صدر ڈونلڈ ٹرمپ کی ایران کے خلاف جنگی دھمکیوں کی سخت مخالفت کر رہے ہیں۔  

یہ بھی پڑھیں:ٹرمپ کے ایران کے خلاف دھمکی آمیز لہجے میں نرمی

 یاد رہےکہ ٹرمپ نے حال ہی میں دھمکی دی تھی کہ اگر ایران ہماری شرائط نہیں مانے گا تو ہم بمباری کریں گے، ایرانی حکام نے اس بیان کو اقوام متحدہ کے چارٹر کی خلاف ورزی قرار دیتے ہوئے مسترد کر دیا۔

 ایران کے سپریم لیڈر آیت اللہ خامنہ ای نے کہا کہ ہم اس دھمکی کو سنجیدہ نہیں لیتے لیکن اگر حملہ ہوا تو ہمارا جواب شدید ہوگا،سپاہ پاسداران کے کمانڈر امیر علی حاجی زادہ نے کہا کہ جو خود شیشے کے گھر میں بیٹھا ہے وہ پتھر نہیں پھینکتا، جو امریکی فوجی اڈوں کے خطرے کی طرف اشارہ تھا۔

 گارڈین کے مطابق، سعودی ولی عہد محمد بن سلمان ٹرمپ سے ملاقات میں کسی بھی فوجی کارروائی کی مخالفت کا اظہار کریں گے،برطانوی اخبار کے مطابق سعودی عرب علاقائی عدم استحکام اور خلیج میں جنگ کے اثرات سے خوفزدہ ہے۔

 ماہرین کا کہنا ہے کہ سعودی عرب ایران میں حکومت کے خاتمے کو اپنے مفاد میں نہیں سمجھتا،کچھ امریکی عہدیدار جیسے مائک والٹز (قومی سلامتی کے مشیر) ایرانی جوہری پروگرام کی مکمل تباہی چاہتے ہیں،جبکہ اسٹیو وٹکوف (ٹرمپ کے خصوصی ایلچی) صرف پروگرام پر پابندی کے حق میں ہیں۔

مزید پڑھیں:امریکہ کی ایران کے خلاف پالیسی میں واضح تبدیلی؛ سیاسی شکست یا وقتی چال؟

سعودی عرب اور دیگر خلیجی ممالک کی مخالفت ٹرمپ کی جارحانہ پالیسیوں کے لیے ایک بڑی رکاوٹ ہے، جو ایران پر زیادہ سے زیادہ دباؤ کی امریکی حکمت عملی کو ناکام بنا سکتی ہے۔