نیتن یاہو کی کابینہ کا ہونا چاہیے:سابق صیہونی وزیراعظم 

سچ خبریں:سابق صیہونی وزیراعظم ایہود باراک نے کابینۂ نیتن یاہو کو اسرائیل کی بدترین حکومت قرار دیتے ہوئے اس کے فوری خاتمے پر زور دیا، انہوں نے جنگِ غزہ کے خاتمے کو بھی ایک اہم ضرورت قرار دیا۔

الجزیرہ نیوز چینل کی رپورٹ کے مطابق سابق صیہونی وزیراعظم ایہود باراک نے موجودہ صہیونی حکومت پر شدید تنقید کرتے ہوئے کہا ہے کہ بنیامین نیتن یاہو کی سربراہی میں قائم کابینہ اسرائیل کی تاریخ کی بدترین حکومت ہے، اور اس کا جلد از جلد خاتمہ وقت کی اہم ترین ضرورت بن چکا ہے،رپورٹ کے مطابق، ایہود باراک نے اپنے بیان میں کہا کہ اب کوئی چیز نیتن یاہو کی کابینہ کے خاتمے سے زیادہ اہم نہیں۔

یہ بھی پڑھیں:کون زیادہ خطرناک ہے ؟ صیہونیت یا نازی ازم؟

انہوں نے واضح کیا کہ اسرائیلی معاشرے اور ریاست کے مفاد میں یہ لازم ہو چکا ہے کہ ایسی ناکام اور متنازع حکومت کو برطرف کیا جائے، جو نہ صرف داخلی سطح پر انتشار پیدا کر رہی ہے بلکہ بیرونی محاذ پر بھی اسرائیل کو تنہائی کی طرف دھکیل رہی ہے۔

باراک نے اس کے ساتھ ساتھ جنگِ غزہ کے فوری خاتمے کی ضرورت پر بھی زور دیا، اور اعتراف کیا کہ غزہ کی جنگ کو ختم کرنا بھی انتہائی اہم ہے۔

ایہود باراک کی یہ بیان بازی ایسے وقت میں سامنے آئی ہے جب اسرائیل کو نہ صرف داخلی سیاسی بحران کا سامنا ہے بلکہ غزہ، لبنان اور ایران کے ساتھ بیک وقت محاذ آرائی بھی شدید ہوتی جا رہی ہے۔

مزید پڑھیں:اسرائیلی فوج قاتل نازیوں پر مشتمل ہے:  حماس اہلکار

 اپوزیشن رہنماؤں اور سکیورٹی ماہرین کی جانب سے بھی نیتن یاہو کی پالیسیوں پر سخت تنقید کی جا رہی ہے، خاص طور پر جنگی حکمت عملیوں اور بین الاقوامی تنہائی کے حوالے سے۔