نیتن یاہو اسپتال میں داخل، اختیارات عارضی طور پر معاون کو منتقل

?️ 31 مئی 2025

سچ خبریں:صیہونی وزیراعظم بنیامین نیتن یاہو کولونوسکوپی کے لیے اسپتال میں داخل، اختیارات عارضی طور پر وزیر انصاف یاریو لوین کو سونپ دیے گئے، آپریشن کامیاب رہا، نیتن یاہو کی حالت بہتر ہے۔

روسیا الیوم کی رپورٹ کے مطابق، صیہونی وزیراعظم بنیامین نیتن یاہو کو کولونوسکوپی کے ایک طبی عمل کے لیے مقبوضہ بیت المقدس کے ایک اسپتال میں داخل کر دیا گیا ہے، جس کے بعد ان کے اختیارات عارضی طور پر ان کے نائب کو سونپ دیے گئے ہیں۔

یہ بھی پڑھیں:نیتن یاہو کے اہل خانہ مقدمے سے بچنے کے لیے اسپتال میں داخل

صیہونی وزیراعظم کے دفتر نے جمعے کے روز ایک بیان میں کہا کہ یہ طبی عمل ان کے ذاتی معالج کی نگرانی میں کامیابی سے مکمل ہوا ہے۔

اس سے قبل، بدھ اور جمعرات کی درمیانی شب، قابض وزیراعظم کے دفتر نے اعلان کیا تھا کہ نیتن یاہو ایک "معمول کی طبی کارروائی” سے گزرنے والے ہیں، جس کے دوران وزیر انصاف اور نائب وزیراعظم یاریو لوین کو صبح 6 بجے سے لے کر طبی عمل مکمل ہونے تک کے لیے ان کے اختیارات منتقل کر دیے جائیں گے۔

واضح رہے کہ یہ پہلی بار نہیں کہ نیتن یاہو کو طبی امداد کی ضرورت پیش آئی ہو۔ 2024 کے آخر میں، وہ پروسٹیٹ کی سرجری سے بھی گزر چکے ہیں، جس کے بعد اسپتال کی جانب سے اعلان کیا گیا تھا کہ ان کی صحتیابی کا عمل اطمینان بخش ہے۔

مزید پڑھیں:بینجمن نیتن یاہو کینسر میں مبتلا

ماضی میں بھی نیتن یاہو کئی طبی عملوں سے گزر چکے ہیں، جن میں دل کے معائنے اور دیگر معمولی جراحات شامل ہیں۔