ایران نے ۱۷ رخ سے یو ایس ایس جرالڈ فورڈ پر حملہ کیا؛ ٹرمپ کا اعتراف

?️ 28 مارچ 2026

سچ خبریں:امریکی صدر ڈونلڈ ٹرمپ نے کہا کہ ایران نے دنیا کے سب سے بڑے ایئرکرافٹ کیریئر یو ایس ایس جرالڈ فورڈ پر ۱۷ رخ سے حملہ کیا، جس کے بعد امریکی افواج کو جان بچانے کے لیے پسپائی اختیار کرنی پڑی۔

راشاتوڈے کی رپورٹ کے مطابق امریکی صدر ڈونلڈ ٹرمپ نے ایران کی عسکری صلاحیتوں کا اعتراف کرتے ہوئے دنیا کے سب سے بڑے ایئرکرافٹ کیریئر یو ایس ایس جرالڈ فورڈ پر ایران کے کامیاب حملے کا انکشاف کیا۔

رپورٹ کے مطابق، ٹرمپ نے میامی میں سعودی سرمایہ کاری کے ایک اجلاس میں کہا کہ ایران نے یو ایس ایس جرالد فورڈ پر ۱۷ مختلف رخوں سے حملہ کیا، جس کے باعث امریکی افواج کو اپنی جان بچانے کے لیے پسپائی اختیار کرنی پڑی۔

ٹرمپ کے بیانات ایسے وقت سامنے آئے ہیں جب پینٹاگون نے اس کی وجہ لانڈری روم میں آگ لگ جانا قرار دی تھی۔

یاد رہے کہ امریکہ اور اسرائیل نے حال ہی میں ایران پر حملہ کیا، جس میں قائد انقلاب اسلامی آیت اللہ سید علی خامنه ای اور کچھ سینئر فوجی حکام و شہری شہید ہوئے، اس کے علاہ اس ملک کے شہر میناب میں ایک اسکول پر امریکی بمباری میں ۱۷۰ سے زائد طلبہ جاں بحق ہوئے۔

ایران نے قانونی حق دفاع کے تحت قابض علاقوں اور امریکی اڈوں کو نشانہ بنایا اور آبنائے ہرمز کے راستے سے تل ابیب اور واشنگٹن کے وابستہ جہازوں کی گزرگاہ روکی۔

 عراق اور لبنان کے مزاحمتی گروپس نے ایران کی حمایت میں امریکی اور صہیونی دشمن کے حملوں کا مقابلہ کیا، یمن کے مزاحمت گروپ نے بھی اعلان کیا کہ مناسب وقت پر وہ اس کارروائی میں شامل ہو گی۔

واضح رہے کہ مغربی ایشیا میں جنگ اور آبنائے ہرمز کے راستے سے تیل بردار جہازوں کی گزرگاہ محدود ہونے کے باعث عالمی توانائی بحران شدت اختیار کر گیا ہے۔