ایک ہفتے میں غزہ میں کیا کیا؟؛صیہونی حکومت کا اعتراف

سچ خبریں:اسرائیلی فوج نے ایک بیان میں دعویٰ کیا ہے کہ اس نے گزشتہ ہفتے کے دوران  غزہ میں 430 اہداف کو بمباری کا نشانہ بنایا ہے، یہ حملے 18 مارچ سے اُس وقت شروع ہوئے جب صہیونی ریاست نے جنگ بندی کی کھلی خلاف ورزی کرتے ہوئے غزہ پر دوبارہ بڑے پیمانے پر حملے شروع کر دیے۔

یہ بھی پڑھیں:غزہ کی پٹی کے شمال میں نسل کشی اور جبری نقل مکانی میں شدت

الجزیرہ نیوز چینل کی رپورٹ کے مطابق، اسرائیلی فوج نے نہ صرف غزہ بلکہ سوریہ میں 18 اور لبنان میں 40 اہداف پر بھی حملے کیے ہیں۔

ساتھ ہی انہوں نے دعویٰ کیا کہ ان کے فضائی دفاعی نظام نے یمن، لبنان اور غزہ سے فائر کیے گئے 14 راکٹوں کو روک لیا، جن میں 6 یمنی، 3 لبنانی اور 5 فلسطینی راکٹ شامل تھے۔

یہ بیانات ایسے وقت میں سامنے آ رہے ہیں جب غزہ میں انسانی بحران اپنی انتہا کو پہنچ چکا ہے، میدانی رپورٹس کے مطابق 85 فیصد سے زائد آبادی بے گھر ہو چکی ہے  ،طبی نظام مکمل طور پر تباہ ہو چکا ہے  ،کئی علاقوں میں قحط کے آثار نمایاں ہو گئے ہیں

بین الاقوامی امدادی ادارے مسلسل خبردار کر رہے ہیں کہ اگر بمباری جاری رہی تو غزہ میں ایک ایسی انسانی المیہ جنم لے سکتا ہے جس کی مثال تاریخ میں نہیں ملتی۔

دوسری جانب، قطر میں ایک نئی جنگ بندی پر بات چیت جاری ہے، لیکن تاحال کوئی حتمی نتیجہ سامنے نہیں آیا، اس دوران فلسطینی مزاحمتی گروہوں نے صہیونی بستیوں پر جوابی کارروائیاں تیز کر دی ہیں تاکہ اسرائیلی فوجی جارحیت کا جواب دیا جا سکے۔

مزید پڑھیں: صہیونیوں کی غزہ کے شہریوں کو انڈونیشیا منتقل کرنے کی سازش

بین الاقوامی برادری نے اسرائیلی فوج کی جانب سے عام شہریوں اور رہائشی علاقوں پر بمباری کو وحشیانہ قرار دیتے ہوئے ان حملوں کی شدید مذمت کی ہے اور فوری طور پر جنگ بندی اور غزہ میں انسانی امداد کی فراہمی کا مطالبہ کیا ہے۔