فرانس کے عوام ایران کے حق میں سڑکوں پر

?️ 29 مارچ 2026

سچ خبریں:ہزاروں فرانسیسی شہری شہر پیرس کی سڑکوں پر جمع ہو کر ایران کے خلاف اسرائیل اور امریکہ کی جنگ کی شدید مخالفت کی۔

ہزاروں فرانسیسی مظاہرین نے بڑے پیمانے پر احتجاج کرتے ہوئے اس جنگ کو عالمی امن کے لیے خطرہ قرار دیا اور فوری طور پر کشیدگی کے خاتمے کا مطالبہ کیا۔

دنیا کے مختلف حصوں سے ایران کے حق میں جاری عوامی حمایت کے تسلسل میں، پیرس میں ہونے والے اس بڑے اجتماع میں شریک افراد نے بینرز اور پلے کارڈز اٹھا رکھے تھے جن پر جنگ مخالف نعرے درج تھے۔ مظاہرین کا کہنا تھا کہ امریکہ اور اسرائیل کی جانب سے کی جانے والی یہ کارروائیاں نہ صرف خطے کے استحکام کو متاثر کر رہی ہیں بلکہ عالمی سطح پر بھی عدم تحفظ کو بڑھا رہی ہیں۔

احتجاج کے دوران مقررین نے زور دیا کہ مسائل کا حل جنگ نہیں بلکہ مذاکرات اور سفارتکاری میں ہے۔ انہوں نے عالمی برادری سے مطالبہ کیا کہ وہ فوری طور پر مداخلت کرے اور خطے میں بڑھتی ہوئی کشیدگی کو کم کرنے کے لیے عملی اقدامات اٹھائے۔

یہ مظاہرے اس بات کی عکاسی کرتے ہیں کہ یورپ سمیت دنیا کے مختلف ممالک میں عوام کی ایک بڑی تعداد جنگ کے خلاف ہے اور وہ پرامن حل کو ترجیح دیتی ہے۔