9 ممالک بریکس میں شمولیت کے لیے تیار؛روس کا اعلان

?️ 24 دسمبر 2024

سچ خبریں:روسی صدر کے معاون یوری اوشاکوف نے انکشاف کیا ہے کہ یکم جنوری 2025 سے بیلاروس، انڈونیشیا، قازقستان، کیوبا، ملائیشیا، تھائی لینڈ، یوگنڈا اور ازبکستان بریکس کے شراکت دار ممالک کے طور پر شامل ہوں گے۔

یوری اوشاکوف کے مطابق، ان ممالک نے بریکس میں شمولیت کے لیے اپنی دلچسپی اور آمادگی کا اظہار کیا ہے، مزید برآں، روس چار دیگر ممالک کے جوابات کا منتظر ہے جنہیں بریکس میں شمولیت کی دعوت دی گئی ہے۔

یہ بھی پڑھیں: بریکسی دنیا: مغرب کے لیے بڑا ڈراؤنا خواب؛ کیا امریکہ اور یورپ چودھری نہیں رہے؟

بریکس کے شراکت دار ممالک اپنی تجاویز پیش کر سکتے ہیں لیکن وہ بریکس کی دستاویزات کی منظوری اور ووٹنگ کے عمل میں حصہ نہیں لے سکیں گے۔

روس کے شہر کازان میں منعقدہ بریکس کے سولہویں اجلاس کے اختتام پر جاری اعلامیہ میں گروپ کے رکن ممالک نے بریکس میں شمولیت کی خواہش رکھنے والے دیگر ممالک کے عزم کا خیر مقدم کیا۔

مزید پڑھیں: بریکس کا امریکی ڈالر سے چھٹکارا پانے کا منصوبہ

اجلاس میں ان ممالک کی فہرست کی بھی منظوری دی گئی جنہیں بریکس میں شمولیت کے لیے دعوت دی جائے گی جبکہ بریکس کی بڑھتی مقبولیت کو لے مغربی ممالک خاص طور پر امریکہ کو کافی تشویش لاحق ہے۔