سچ خبریں:بھارتی پولیس نے حکمران جماعت کے ترجمان کی طرف سے پیغمبر اسلام کے خلاف دیے گئے توہین آمیز ریمارکس کو بے نقاب کرنے کے کئی ہفتے بعد ایک مسلمان صحافی کو گرفتار کر لیا ہے۔
اسپوٹنک عربی کے مطابق بھارتی پولیس نے دہلی میں فیکٹ فائنڈنگ ویب سائٹ کے بانیوں میں سے ایک کو اس وقت گرفتار کیا جب انہوں نے نریندر مودی کی سربراہی میں حکمران جماعت (بھارتیہ جنتا پارٹی) کے ترجمان نوپور شرما کے توہین آمیز ریمارکس کو بے نقاب کیا، جس نے پیغمبر اسلام کے خلاف توہین آمیز کلمات ادا کیے تھے۔
ویب سائٹ (AltNews)کے بانی، محمد الزبیر نے مئی کے آخر میں ٹوئٹر پر ایک ٹیلیویژن مباحثے کے دوران دیے گئے ریمارکس کا انکشاف کیا،جب حکمراں جماعت کے ترجمان نوپور شرما کے ریمارکس شائع ہوئے تو مسلمانوں کے احتجاج میں اضافہ ہوا اور یہ واقعہ دیکھتے دیکھتے ہی دیکھتے ان ریمارکس کی مذمت کرنے والے مسلم ممالک کے ساتھ بھارت کے سفارتی بحران میں بدل گیا۔
جیسے جیسے طوفان شدت اختیار کرتا گیا اور شرما کو 5 جون کو معطل کر دیا گیا، مودی حکومت نے خود کو ریمارکس سے الگ کر لیا، شرما جس پر یہ تو ہین آمزی بیان دینے کا الزام ہے، اس کے بعد سے وہ روپوش ہے اور اس کا ٹھکانہ معلوم نہیں ہے۔
واضح رہے کہ محمد الزبیر کو مذہبی ہم آہنگی برقرار رکھنے پر مبنی قانون کی دو شقوں کے تحت گرفتار کیا گیا تھا جس میں ایک شکایت کی بنیاد پر یہ الزام لگایا گیا ہے کہ انہوں نے 2018 میں ایک ٹویٹ میں ہندوؤں کی توہین کی تھی۔
