سچ خبریں:گذشتہ ہفتے کے دوران صیہونی حکومت کے ٹھکانوں اور فوجیوں کے خلاف فلسطینیوں کی کارروائیوں کے 22 واقعات ریکارڈ کیے گئے اور ان کارروائیوں میں 12 صیہونی زخمی ہوئے۔
مرکزاطلاعات فلسطین کی رپورٹ کے مطابق گذشتہ ایک ہفتے کے دوران صیہونی حکومت کے اہداف اور فوجیوں کے خلاف فلسطینیوں کی کارروائیوں کے 22 واقعات ریکارڈ کیے گئے جبکہ مغربی کنارے میں فلسطینیوں اور غاصب صیہونی فوج کے درمیان جھڑپوں کے 90 واقعات رپورٹ ہوئے، جس میں مقبوضہ بیت المقدس بھی شامل ہے۔
اس رپورٹ کے مطابق ان جھڑپوں اور فلسطینیوں کی کارروائیوں میں کل 12 صہیونی زخمی ہوئے ہیں،اس کے علاوہ گزشتہ ہفتے صیہونی فوجیوں کی گولیوں کا نشانہ بننے والے 3 فلسطینیوں شہید اور درجنوں دیگر صیہونیوں کے ساتھ جھڑپوں میں زخمی ہوئے۔
اس کے ساتھ ساتھ فلسطینی شہری صہیونی فوج کی حفاظت کے ساتھ مسجد الاقصی پر صیہونی آباد کاروں کے پے درپے حملوں کا مقابلہ کرنے کے لیے کارروائی کر رہے ہیں،ادھر فلسطینی مزاحمتی تحریک نے صیہونیوں کو خبردار کیا ہے کہ مسجد الاقصی کو پہنچنے والے کسی بھی نقصان سے برآمد ہونے والے نتائج کی ذمہ داری صیہونی حکومت پر عائد ہوگی اور اسے اتنی سخت انتقامی کاروائیوں کا سامنا کرنا پڑے گا کہ سیف القدس کو بھول جائیں گے۔