کینیڈا میں روسی سفیر؛ یوکرین کا نیٹو میں کوئی مستقبل نہیں

سچ خبریں: روسی سفیر اولیگ اسٹیپانوف نے کینیڈا اور سویڈن کے مشترکہ بیان پر سخت ردعمل ظاہر کرتے ہوئے کہا ہے کہ یوکرین کا شمالی اٹلانٹک اتحاد (نیٹو) میں کوئی مستقبل نہیں ہے۔

کینیڈا اور سویڈن کے وزرائے اعظم مارک کارنی اور الف کرسٹرسن کے اس مشترکہ بیان کے جواب میں، جس میں کہا گیا تھا کہ یوکرین کا مستقبل نیٹو میں ہے، روسی سفیر نے طنزیہ انداز اختیار کرتے ہوئے کہا کہ ایسے جملے پڑھ کر معلوم نہیں ہوتا کہ ہنسا جائے یا رویا جائے۔ اس بیان کے مصنفین گویا ایک متوازی دنیا میں رہ رہے ہیں۔ حقیقی دنیا میں ہر شخص جانتا ہے کہ یوکرین کا نیٹو یا یورو-ایٹلانٹک ڈھانچے میں کوئی مستقبل نہیں ہے۔

اسٹیپانوف نے یہ بھی دعویٰ کیا کہ کیف جنگ کو مغربی ممالک کے ٹیکس دہندگان کے خرچ پر فائدہ حاصل کرنے اور بدعنوانی کو جاری رکھنے کے لیے بطور آلہ استعمال کر رہا ہے۔

واضح رہے کہ روس، یوکرین پر جنگ شروع کرنے کی وجہ نیٹو کے مشرق کی جانب پھیلاؤ اور اس اتحاد کا روسی سرحدوں کے قریب آنا بتاتا ہے۔ روس نے جنگ بندی کے لیے یوکرین کے غیرجانبدار رہنے اور نیٹو میں شمولیت نہ کرنے کی ضمانت کو ایک شرط کے طور پر پیش کیا ہے۔