کیا نیتن یاہو ہلاک ہو گیا ہے ؟ مبینہ اے آئی ویڈیو کے بعد افواہیں تیز

?️ 14 مارچ 2026

سچ خبریں:صیہونی وزیر اعظم بنیامین نیتن یاہو کے زخمی یا ہلاک ہونے سے متعلق قیاس آرائیاں ایک مبینہ مصنوعی ذہانت سے تیار کردہ ویڈیو کے بعد مزید بڑھ گئی ہیں۔

مصنوعی ذہانت کے ذریعے تیار کردہ ایک ویڈیو کے منظر عام پر آنے کے بعد صیہونی وزیر اعظم بنیامین نیتن یاہو کے زخمی یا ہلاک ہونے کے بارے میں قیاس آرائیاں جاری ہیں۔

عبری ذرائع ابلاغ نے گزشتہ شب جمعرات کو بنیامین نتن یاہو کی ایک نئی ویڈیو نشر کی جس میں صیہونی وزیر اعظم خطاب کرتے دکھائی دیتے ہیں، تاہم اطلاعات کے مطابق اس تقریر کی تیاری میں غالب امکان ہے کہ مصنوعی ذہانت کا استعمال کیا گیا ہو۔

یہ ویڈیو ایسے وقت میں نشر کی گئی ہے جب چند روز سے بعض عبری ذرائع میں صیہونی وزیر اعظم کے زخمی یا ہلاک ہونے کی خبریں گردش کر رہی ہیں۔ اس غیر معمولی ویڈیو کے نشر ہونے کے بعد ان قیاس آرائیوں میں مزید اضافہ ہو گیا ہے۔

کچھ سائبر تجزیاتی اداروں اور خصوصی تجزیاتی ویب سائٹس، جن میں خبر رساں ادارہ سائبر بان بھی شامل ہے، نے اس بات کی تصدیق کی ہے کہ نتن یاہو کی ویڈیو ممکنہ طور پر مصنوعی ذہانت کے ذریعے تیار کی گئی ہے۔