کیا جرمنی میں جبری بھرتی کا قانونی واپس آرہا ہے

?️ 9 دسمبر 2025

کیا جرمنی میں جبری بھرتی کا قانونی واپس آرہا ہے

جرمنی کے چانسلر فریڈرک مرٹس نے اشارہ دیا ہے کہ اگر رضاکارانہ بنیادوں پر فوج میں مطلوبہ تعداد میں بھرتیاں نہ ہو سکیں تو لازمی فوجی سروس (جبری بھرتی) پر دوبارہ غور کیا جا سکتا ہے۔

جرمن پارلیمنٹ نے حال ہی میں ایک نیا قانون منظور کیا ہے جس کے تحت فوجی سروس کو جدید شکل دی گئی ہے۔ اس قانون کے مطابق سروس فی الحال رضاکارانہ رہے گی، تاہم 18 سال کے تمام لڑکوں کے لیے رجسٹریشن اور طبی معائنہ لازمی کر دیا گیا ہے، جبکہ لڑکیوں کے لیے یہ عمل اختیاری ہوگا۔

واضح رہے کہ جرمنی میں لازمی فوجی سروس 2011 میں معطل کر دی گئی تھی، لیکن نئے قانون میں یہ گنجائش رکھی گئی ہے کہ اگر مستقبل میں فوج کو افرادی قوت کی کمی کا سامنا ہو تو پارلیمنٹ کی منظوری سے جزوی لازمی بھرتی دوبارہ نافذ کی جا سکتی ہے۔

جرمنی کو نیٹو کے اہداف پورے کرنے کے لیے اپنی فوجی تعداد میں نمایاں اضافہ کرنا ہے۔ اس وقت جرمن فوج کے پاس تقریباً 184,000 فعال فوجی اور محدود تعداد میں ریزرو فورس موجود ہے، جبکہ حکومت کا ہدف ہے کہ 2035 تک فعال فوجیوں کی تعداد 260,000 سے زیادہ کی جائے اور ریزرو فورس کو بھی مضبوط بنایا جائے۔

نئے قانون کے تحت 2026 سے نوجوان مردوں کو فوج کی جانب سے سوالنامہ بھیجا جائے گا اور ان کا طبی معائنہ ہوگا، لیکن اصل سروس اب بھی فی الحال رضاکارانہ ہی رہے گی۔ اگر رضاکار ناکافی ثابت ہوئے تو لازمی سروس بحال کیے جانے کا امکان موجود ہے