سچ خبریں:پیغمبر اسلام کی توہین کرنے والا سویڈش کارٹونسٹ لارس ولکس ایک کار حادثے میں جاں بحق ہو گیا۔
ایسوسی ایٹڈ پریس کی رپورٹ کے مطابق سویڈش کارٹونسٹ جس نے اپنے کام میں پیغمبر اسلام کی شان میں گستاخی کی تھی ،کار حادثے میں ہلاک ہو گیا،واضح رہے کہ 75 سالہ لارس ولکس کو پیغمبراسلام کی شان میں گستاخی کرنے پر جان سے مارنے کی دھمکی دی گئی تھی جس کے بعد وہ سویڈش پولیس کی حفاظت میں تھا ،تاہم آج ایک کار حادثہ میں ہلاک ہوگیا۔
میڈیا رپورٹس کے مطابق ایک ٹرک پولیس کار سے ٹکرا گیاجس کے نتیجہ میں پولیس گاڑی میں سوار لارس ولکس اور اس کے محافظ مارے گئے، اس حادثے کی وجہ زیر تفتیش ہے،یادرہے کہ ولکس ، جو پیغمبر اکرم کی شان میں گستاخی کرنے سے پہلے سویڈن کے باہر بڑے پیمانے پر گمنام تھا ،تاہم اس کی اس حرکت کے بعد دنیا بھر کے مسلمانوں کی طرف سے اسے غم وغصہ کا سامنا کرنا پڑا۔
لارکس ویکس اپنے گستاخی کرنے کے بعد سے تحفظ کے تحت زندگی گزار رہا تھاجبکہ القاعدہ نے اسے مارنے کے لیے ایک لاکھ ڈالر انعام مقرر کیا تھا ،واضح رہے کہ لارک ویکس کی اس گستاخی نے سویڈن اور کچھ ممالک کے درمیان سفارتی کشیدگی کو بھی جنم دیاجس کے بعد سویڈن کے اس وقت کے وزیر اعظم فریڈرک رین فیلٹ نے کشیدگی کم کرنے کے لیے اسلامی ممالک کے سفیروں سے ملاقات کی۔
قابل ذکر ہے کہ یہ سویڈش کارٹونسٹ 2015 میں کوپن ہیگن میں ہونے والی ایک کانفرنس میں ہونے والے حملے میں بال بال بچا تھا جبکہ اس حملہ میں ایک ڈینش ڈائریکٹر ہلاک ہو گیا تھا جس کے بعد کولن لارروز ، ایک امریکی خاتون جو اپنے آپ کو سات دیگر افراد کے ساتھ امریکہ میں جہاد جین کہتی تھی ، کو 2009 میں اس کارٹونسٹ کے قتل کی سازش کے الزام میں گرفتار کیا گیا تھا۔
