پاکستان میں دہشت گردانہ حملے

?️ 30 ستمبر 2023

سچ خبریں:یمن کی وزارت خارجہ نے پاکستان میں ہونے والے دہشت گردانہ دھماکوں کی مذمت کی ہے۔

یمن کی سرکاری خبررساں ایجنسی سبا کی رپورٹ کے مطابق یمن کی وزارت خارجہ نے اس بات پر زور دیا ہے کہ اس طرح کے مجرمانہ اقدامات اسلام اور امت اسلامی کے اتحاد ، دین کے محور اور پیغمبر اسلام (ص) پر حملہ کرنے کے منصوبے کا حصہ ہیں ۔

صنعاء نے اس بات پر بھی زور دیا کہ اس ملک کا موقف ہر قسم کی دہشت گردی کے خلاف مضبوط ہے اور یمن انتہا پسندی اور دہشت گردی کے خلاف ہے۔

اس کے ساتھ ہی وزارت خارجہ نے متاثرین کے اہل خانہ سے تعزیت کا اظہار کرتے ہوئے دہشت گردی کی اس کارروائی میں زخمی ہونے والوں کی جلد صحت یابی کی دعا کی۔

آج، پاکستانی پولیس نے ایک دہشت گردانہ حملے کا اعلان کیا جو اس ملک کے صوبہ بلوچستان میں ایک خودکش حملہ معلوم ہوتا ہے۔ پاکستان میں ایک مذہبی اجتماع میں ہونے والا یہ حملہ جان لیوا تھا اور سینکڑوں افراد ہلاک اور زخمی ہوئے تھے۔

خبر رساں ایجنسی رائٹرز نے آج اس حملے کے بارے میں اطلاع دی کہ جنوب مغربی پاکستان کا صوبہ بلوچستان ماضی میں اسلام پسند اور علیحدگی پسند عسکریت پسندوں کے حملوں کا ایک مقام رہا ہے۔

اس رپورٹ کی اشاعت کے لمحے تک، پاکستان کے صوبہ بلوچستان میں ہونے والے آج کے دہشت گردانہ حملے کی ذمہ داری کسی گروپ نے قبول نہیں کی ہے اور تحریک طالبان گروپ نے اس حملے میں ملوث ہونے کی تردید کی ہے۔