سچ خبریں:صہیونی فوج کے وحشیانہ حملے کے بعد ہزاروں فلسطینیوں نے مغربی کنارے کے مختلف علاقوں میں جنین بٹالین کی حمایت میں مظاہرے کیے۔
العربی الجدید نیوزایجسنی کی رپورٹ کے مطابق جنین پر صہیونی حملے کے بعد عرین الاسود گروپ کی دعوت پر ہزاروں فلسطینیوں نے جینین بٹالین اور فلسطینی قیدیوں کی حمایت میں نابلس، رام اللہ، خلیل، طولکرم، قلقیلیہ سمیت کیمپوں اور دیہاتوں میں مظاہرے کیے۔
اس کے علاوہ رام اللہ شہر میں سیکڑوں فلسطینی نوجوانوں نے ایک بڑا مارچ کیا جس میں العرین، کتیبہ جنین اور العرین گروپ کی حمایت کے الزام میں ستمبر سے حماس تحریک کے گرفتار رکن المصعب اشتیہ کے حق میں نعرے لگائے گئے۔
واضح رہے کہ نابلس شہر کے وسط میں کیا گیا جس میں سیکڑوں لوگوں نے شرکت کی نیز مارچ کے شرکاء نے عرین الاسود گروپ کے ساتھ اپنے معاہدے کی تجدید کی اور اپنے حمایتی موقف پر زور دیا۔
اس سلسلے میں مغربی کنارے کے شمال میں واقع شہر طولکرم میں سیکڑوں نوجوانوں نے مظاہرہ کیا اور نئی تشکیل پانے والی طولکرم بٹالین کی حمایت میں اور دشمن کو منہ توڑ جواب دینے مبنی نعرے لگائے۔
یاد رہے کہ حال ہی منظر عام پر آنے والی فلسطینی مجاہدین کی نئی تنظیموں نے صیہونی حکام کی نیندیں اڑا دی ہیں اس لیے کہ یہ تنظیم کسی بھی بڑی تنظیم سے وابستہ نہیں ہیں بلکہ رضاکار نوجوانوں پر مشتمل ہیں جس کی وجہ سے نہ ان کے ساتھ بات چیت کی جا سکتی ہے اور یہ ان کی کاروئیوں کا پتا لگایا جاسکتا ہے۔