فلسطینیوں کے راکٹ حملوں میں 2 صہیونی ہلاک

🗓️ 11 مئی 2021

سچ خبریںنیوز ذرائع نے اطلاع دی ہے کہ مقبوضہ شہروں پر فلسطینی مزاحمتی گروپوں کی جانب سے کیے جانے والے بڑے پیمانے پر راکٹ حملے میں دو صہیونی ہلاک ہوگئے ۔
صہیونی ذرائع نے آج (منگل) شام کو اعلان کیا کہ مزاحمتی تحریک کے ایک راکٹ حملے میں دو صہیونی ہلاک ہوگئے،نیوز ذرائع کے مطابق مقبوضہ عسقلان پر مزاحمتی گروپوں کے راکٹ حملے میں دو صیہونی آباد کار ہلاک ہوگئے،الجزیرہ نے یہ بھی اطلاع دی ہے کہ مزاحمتی گروپوں کے راکٹ حملوں کےنتیجہ میں 80 صہیونی زخمی ہوئے ہیں،یادرہے کہ یہ رپورٹ اس وقت شائع کی گئی جب صیہونی ذرائع نے عسقلان پر فلسطینی مزاحمتی گروپوں کے راکٹ حملے کے بعد دو آباد کاروں کے شدید زخمی ہونے کی خبر دی تھی۔

در ایں اثنا فلسطینی اسلامی مزاحمتی تحریک کے فوجی وننگ کتائب القسام نے آج صبح ہی اطلاع دی تھی کہ عسقلان پر حملہ ایس 40 راکٹ سے کیا گیا ، کتائب القسام نے اپنےبیان میں اعلان کیا کہ اس نے مقبوضہ شہروں عسقلان اور اشدود کو 137 راکٹوں سے نشانہ بنایا ہے۔

واضح رہے کہ القسام نے اپنے بیان میں اعلان کیا کہ اس نے یہ بھاری راکٹ حملہ غزہ کی پٹی پر اسرائیلی فضائی حملے میں اس کے متعدد مجاہدین کے ہلاک ہوجانے کے جواب میں کیاہے۔