غزہ میں جنگ بندی کا مستقبل عرب تجزیہ کار کے تین ممکنہ منظرنامے

غزہ میں جنگ بندی کا مستقبل عرب تجزیہ کار کے تین ممکنہ منظرنامے

 فلسطینی سیاسی تجزیہ کار وسام عفیفہ نے غزہ میں حالیہ جنگ بندی معاہدے اور اسرائیل کی جانب سے اس پر مکمل عمل نہ کرنے، خصوصاً رفح کراسنگ بند رکھنے اور انسانی امداد کی عدم اجازت کے بعد، اس آتش‌بس کے مستقبل کے بارے میں تین ممکنہ منظرنامے پیش کیے ہیں۔

خبر رساں ادارے شہاب کے مطابق، عفیفہ کا کہنا ہے کہ اب غزہ کی صورتحال فوجی تصادم سے سیاسی کشمکش میں تبدیل ہو رہی ہے، جہاں ہر فریق جنگ کے بعد کے دنوں کے لیے اپنا ایجنڈا آگے بڑھانے کی کوشش کر رہا ہے۔عفیفہ کے مطابق، سب سے زیادہ ممکنہ منظرنامہ یہی ہے کہ جنگ بندی وقتی اور غیر مستحکم حالت میں برقرار رہے گی۔

اسرائیل اس دوران زمینی حقائق کو اپنے حق میں تبدیل کرتا رہے گا، جبکہ امریکہ انسانی امداد کو محدود رکھے گا تاکہ غزہ میں بحران برقرار رہے اور فلسطینی صفوں میں اختلاف اور دباؤ پیدا ہو۔

اس منظرنامے کے تحت، امریکہ کی کوشش ہوگی کہ نوارِ غزہ میں عارضی انتظامی تقسیم نافذ کرے  یعنی محفوظ علاقے قائم کیے جائیں جنہیں عرب ممالک اور اقوام متحدہ کی نگرانی میں رکھا جائے۔یہ انتظام شہری و سلامتی معاملات کے لیے وقتی طور پر ہوگا، مگر سیاسی حل یا غیر مسلح کرنے کی شرط کے بغیر۔

عفیفہ کا کہنا ہے کہ اگر یہ فارمولا نافذ ہوا تو اس سے اسرائیل کا غیر اعلانیہ کنٹرول غزہ پر برقرار رہے گا اور مصر اور فلسطینی اتھارٹی کا کردار کمزور ہو جائے گا۔

عفیفہ کے مطابق، تیسرا اور سب سے امید افزا منظرنامہ یہ ہے کہ قطر، مصر اور ترکی جیسے ثالث ممالک اسرائیل پر دباؤ ڈالنے میں کامیاب ہو جائیں تاکہ وہ غزہ سے مکمل انخلا کرے اور ایک فلسطینی سیاسی مفاہمتی عمل شروع ہو۔اس صورت میں، غزہ کی تعمیر نو کے ساتھ ساتھ فلسطینی اتھارٹی کی تدریجی واپسی اور اندرونی اتحاد کو فروغ مل سکتا ہے۔

تاہم، عفیفہ نے کہا کہ اس منظرنامے کے حقیقت بننے کے امکانات کم ہیں، کیونکہ اسرائیل اور بعض مغربی طاقتیں فلسطینی یکجہتی سے گریزاں ہیں۔