سچ خبریں:قبل از وقت انتخابات کرانے کے لیے پہلے مرحلے میں اسرائیلی پارلیمنٹ کو 110 ووٹوں کے ساتھ تحلیل کر دیا گیا۔
الجزیرہ نے بریکنگ نیوز میں اطلاع دی کہ صیہونی پارلیمنٹ(کنسٹ) نے قبل از وقت انتخابات کے انعقاد کے پہلے قدم کے طور پر اسے تحلیل کرنے کے حق میں ووٹ دیا، واضح رہے کہ اس اقدام کو 110 مثبت ووٹوں سے منظور کیا گیا، یاد رہے کہ صیہونی حکومت میں چار سال سے بھی کم عرصے میں یہ پانچویں انتخابات ہوں گے جبکہ اگر پارلیمنٹ تحلیل ہو جاتی ہے تو اس کے وزیر خارجہ یائر لاپڈ اسرائیلی وزیر اعظم نفتالی بینیٹ کی جگہ لیں گے۔
واضح رہے کہ قابض حکومت کے وزیر اعظم نفتالی بینیٹ نے ایک بھاری بم گرا دیا جب انہوں نے Knesset کو تحلیل کرنے اور انتخابات کرانے کے اپنے ارادے کا اعلان کیا،اسرائیل ریڈیو کی رپورٹ کے مطابق نفتالی بینیٹ نے پارلیمانی اکثریت کی کمی اور اتحاد کی جانب سے قوانین منظور کرنے خاص طور پرمغربی کنارے کے سلسلہ میں قانون میں ناکامی کی وجہ سے کابینہ کو مفلوج کرنے کے اپنے فیصلے کو درست قرار دیا۔
اس دوران بینیٹ نے کہا ہے کہ وہ انتخابات تک اپنے نائب وزیر خارجہ یائر لاپڈ کے حق میں وزیراعظم کا عہدہ خالی کرنے کا ارادہ رکھتے ہیں۔
