صیہونی حکومت اور امریکہ کی بربریت دنیا کے سامنے

?️ 18 اکتوبر 2023

سچ خبریں:یمن کی سپریم پولیٹیکل کونسل نے غزہ کے المعمدانی اسپتال میں صیہونی حکومت کے وحشیانہ جرم کی مذمت کرتے ہوئے تاکید کی ہے کہ یہ جرم صیہونیوں کی اسلام اور مسلمانوں سے دشمنی کو ظاہر کرتا ہے۔

المسیرہ نیٹ ورک کے مطابق اس یمنی تنظیم نے کہا کہ صیہونیوں، امریکہ اور مغرب نے آج اپنی سفاکانہ اور مجرمانہ نوعیت کا مظاہرہ کیا اور واضح کیا کہ صیہونی حکومت اور اس کے حامی جان لیں کہ آج فلسطینی قوم کا قتل عام لا جواب نہیں رہے گا۔

یمن کی سیاسی کونسل نے اس بات کی طرف اشارہ کرتے ہوئے کہ صیہونیوں نے تمام سرخ لکیریں عبور کر لی ہیں، کہا کہ عرب اور اسلامی حکومتوں کی خاموشی فلسطینی قوم کے خلاف جرم ہے لیکن صیہونی حکومت کا مقابلہ طاقت کے ساتھ کرنا چاہیے۔
فلسطینی خبر رساں ذرائع نے غزہ کے ایک اسپتال میں اس سانحہ کی اطلاع دی ہے جو صیہونی حکومت کے وحشیانہ حملوں کے بعد پیش آیا۔

فلسطینی اتھارٹی کی وزارت صحت کے ترجمان اشرف القدرہ نے اعلان کیا ہے کہ صہیونی جنگجوؤں کی الممدنی اسپتال پر بمباری کے دوران 500 سے زائد افراد شہید ہوئے ہیں۔

القدرہ نے زور دے کر کہا کہ یہ کارروائی ایک اجتماعی قتل ہے جو ہسپتال پر اس حملے کے بعد ہوئی ہے۔