صہیونیوں کو مغربی کنارے سے خدشات

🗓️ 25 مارچ 2021

سچ خبریں:عربی 21 نیوز ایجنسی کی رپورٹ کے مطابق ایک صہیونی عہدیدار نے مغربی کنارے میں ایک خفیہ انتفاضہ شروع ہونےکا ذکرکرتے ہوئے کہا ہے کہ اسرائیل کو اپنی سکیورٹی کے سلسلہ میں اس ابہام کو روکنا چاہئے، صیہونی حکومت کی خفیہ تنظیم کے سابق سکیورٹی عہدہ دارہیم منور نے مکور ریشون اخبار کو انٹرویو دیتے ہوئے کہاکہ اسرائیلی شہری بھی اپنے عہدیداروں کی طرح گہری نیند سو رہے ہیں اور وہ سمجھتے ہیں کہ ہر چیز پرامن اور محفوظ ہے ، جبکہ ہمارے پاس یہ خبر ہے کہ مغربی کنارے میں آہستہ آہستہ ایک نیا انتفاضہ شکل اختیار کر رہا ہے۔

انہوں نے مزید کہا کہ سارائیلی علاقوں کےرہائشیوں کو جاننے کی ضرورت ہے کہ ان کے ساتھ کیا ہو رہا ہے،واضح رہے کہ مغربی کنارے میں حالیہ ہفتوں میں تناؤ بڑھ گیا ہے اس لیے کہ اسرائیلی فوجوں نے مغربی کنارے پر چھاپے مارے اور پچھلے ہفتے 15 فلسطینیوں کو حراست میں لیا تھانیز صیہونی آباد کاروں نے بھی مسجد اقصی پر حملہ کرکے اسلام کے خلاف نعرہ بازی کی جس سے فلسطینیوں کے درمیان غم وغصہ کی لہر دوڑ گئی ہے۔