صہیونیوں نے غزہ پر کتنے ہزار ٹن بم گرائے ہیں؟صیہونی فوج کی زبانی

🗓️ 13 اکتوبر 2023

سچ خبریں: صیہونی فوج کے ترجمان نے کہا کہ جنگ کے آغاز سے لے کر اب تک گزشتہ چھ دنوں میں غزہ پر چار ہزار ٹن سے زائد بم گرائے جا چکے ہیں۔

صیہونی فوج کے ترجمان نے کہا کہ صیہونی فضائیہ نے گزشتہ چھ دنوں میں غزہ کے عوام پر چار ہزار ٹن وزنی تقریباً چھ ہزار بم گرائے ہیں۔

یہ بھی پڑھیں: صیہونی بمباری جاری رہی تو کیا ہوگا؟ فلسطینی مجاہدین کا اہم اعلان

الجزیرہ چینل کے مطابق انہوں نے کہا کہ اس عرصے کے دوران حماس کے کمانڈ سینٹرز، مینجمنٹ اور انفراسٹرکچر سمیت 3600 سے زائد مقامات کو حملوں کا نشانہ بنایا گیا ہے۔

البتہ انہوں نے سیکڑوں رہائشی مکانات پر بے مقصد بمباری اور خواتین اور بچوں کے قتل کا ذکر نہیں کیا جسے کسی بھی طرح فوجی ہدف نہیں سمجھا جاتا۔

غزہ میں فلسطینی وزارت صحت نے اعلان کیا ہے کہ غزہ پر صیہونی فضائی حملوں میں شہید ہونے والوں کی تعداد 1417 ہو گئی ہے،اس رپورٹ کے مطابق 6268 افراد زخمی ہوئے ہیں جن میں سے نصف شہداء خواتین اور بچے ہیں،اب تک 447 بچے اور 248 خواتین شہید ہو چکی ہیں۔

اس وزارت کے مطابق ان حملوں کے نتیجے میں ہسپتال اور طبی شعبوں میں کام کرنے والے 10 اہلکار شہید ہو چکے ہیں۔

اقوام متحدہ کے اعدادوشمار کے مطابق 2540 سے زائد رہائشی یونٹس مکمل طور پر تباہ ہو چکے ہیں جبکہ تقریباً 338000 لوگ اپنا گھر بار چھوڑنے پر مجبور ہو گئے ہیں۔

مزید پڑھیں: غزہ کی پٹی پر صیہونیوں کی بمباری

قابض فوج کے جنگی طیاروں نے جمعرات صبح دوبارہ غزہ کی بندرگاہ پر بمباری کی،صہیونی فوج نے اعلان کیا کہجمعرات کی صبح، ہم نے ایک اور زبردست حملہ کیا جس میں غزہ کی پٹی کے ساحلی علاقے میں حماس کی تنصیبات کو نشانہ بنایا۔