زیادہ تر امریکی روس یوکرائن کشیدگی میں امریکہ کی مداخلت کے مخالف

🗓️ 25 فروری 2022

سچ خبریں:ایک نئے سروے کے نتائج سے ظاہر ہوتا ہے کہ امریکیوں کی اکثریت روس اور یوکرائن کے تنازع میں امریکی حکومت کی جانب سے کوئی بھی کردار ادا کرنے کی مخالفت کرتی ہے۔
واشنگٹن پوسٹ نے ایسوسی ایٹڈ پریس کی طرف سے کیے جانے والے ایک سروے کا ذکر کرتے ہوئے لکھا ہے کہ صرف 26 فیصد امریکیوں کا خیال ہے کہ روس اور یوکرائن کے درمیان تنازع میں ان کے ملک کو اہم کردار ادا کرنا چاہیے۔

سروے کے مطابق 52 فیصد امریکیوں کا خیال ہے کہ واشنگٹن کو اس معاملے میں اہم کردار ادا نہیں کرنا چاہیےجبکہ 20 فیصد کا کہنا ہے کہ امریکہ کو مداخلت نہیں کرنی چاہیے،ان نتائج سے ظاہر ہوتا ہے کہ اگرچہ امریکی حکومت روس پر پابندیاں عائد کر رہی ہے اور ماسکو کے خلاف مختلف بیانات جاری کر رہی ہے لیکن امریکی وسط مدتی انتخابات کی تیاری کرنے والے امریکی ووٹروں کے لیے روزی روٹی، مہنگائی اور قوت خرید کے مسائل اہم ہیں۔

یادرہے کہ دسمبر میں کیے گئے ایک سروے کے مطابق امریکی شہری معاشی مسائل بشمول بڑھتی ہوئی مہنگائی سے پریشان ہیں جبکہ ریپبلکنز کے مقابلے ڈیموکریٹس کا زیادہ امکان یہ ہے کہ امریکہ کو روس اور یوکرائن کے درمیان اختلافات کو حل کرنے میں کلیدی کردار ادا کرنا چاہیے، بتیس فیصد ڈیموکریٹس اور بائیس فیصد ریپبلکن اس تنازع میں امریکہ کے اہم کردار ادا کرنے سے متفق ہیں۔