سچ خبریں:روس کے وزیر خارجہ لاوروف نے اپنی تقریر میں کہا ان کا ملک عالمی سلامتی کے ناقابل تقسیم ہونے پر مبنی افریقی ممالک کے موقف کی حمایت کرتا ہے۔
ٹاس نیوز ایجنسی کی رپورٹ کے مطابق روس کے وزیر خارجہ سرگئی لاوروف نے ہفتے کے روز روسی صدر ولادیمیر پیوٹن کی افریقی وفد سے ملاقات کے بعد کہا کہ افریقی ممالک عالمی سلامتی کے ناقابل تقسیم ہونے کے حق میں ہیں اور روس بین الاقوامی سلامتی پر افریقی حکومتوں کے اس اصولی موقف کی حمایت کرتا ہے۔
مزید پڑھیں:صیہونی حکومت کے وفد کو افریقی یونین کے اجلاس سے کیوں نکالا گیا؟
روسی صدر کے ساتھ افریقی وفد کی ملاقات کے بارے میں لاوروف نے کہا کہ سب سے پہلے انہوں نے (افریقی ممالک) نے چند ماہ قبل پیش کیے گئے چین کے مشہور بارہ نکات پر روشنی ڈالی اور کہا کہ دنیا میں کوئی دوہرا معیار نہیں ہونا چاہیے نیز اقوام متحدہ کے چارٹر کے تمام اصولوں کو دیانتداری اور یکجہتی کے ساتھ ملحوظ رکھا جائے اور ان پر عمل کیا جائے، یکطرفہ پابندیاں نہ لگائی جائیں اور اس بات کو یقینی بنایا جائے کہ سلامتی کے لیے کوئی کوشش دوسروں کے نقصان کا باعث نہ بنے۔
روسی وزیر خارجہ نے کہا یہ وہ بنیادی نطریات ہیں جن میں ہم افریقی ممالک کے ساتھ ہیں اور ان کے ان اصولوں کی حمایت کرتے ہیں،لاوروف نے یہ بھی کہا کہ افریقی ممالک کو یوکرینی بحران کی بنیادی وجوہات کا صحیح اندازہ ہے۔
یہ بھی پڑھیں:مغربی افریقی ممالک نے مالی سے تعلقات منقطع کئے
لاوروف کے مطابق یہ بحران مغرب نے پیدا کیا ہے،۔روسی وزیر خارجہ نے یہ بھی کہا کہ وہ سمجھ گئے ہیں کہ اس کشیدگی کے بنیادی اسباب کا مقابلہ کرتے ہوئے اسے ختم کرنے کے لیے حقیقی اقدامات کرنا ہوں گے تاکہ یہ تنازعہ حل ہوجائے جو برسوں سے یورپ کی سلامتی کو بھی نقصان پہنچا رہا ہے۔
