دہشتگردوں کے ٹھکانوں پر ایرانی حملے جاری

🗓️ 5 اکتوبر 2022

سچ خبریں:عراق کے کردستان ریجن میں واقع دہشتگردوں کے ٹھکانوں پر ایرانی سپاہ پاسدران کے ڈرون حملے جاری ہیں۔

اسلامی جمہوریہ ایران کی سپاہ پاسداران نے عراقی کردستان کے علاقے سیدکان، ہیلگوروڈ اور بربزین کی بلندیوں پر ایک بار پھر مہاجر-6 ڈرون طیاروں اور متعدد راکٹ لانچروں سے حملہ کیا، سپاہ پاسداران نے یہ حملے 24 ستمبر کو ان دہشت گردوں کی نقل و حرکت اور اس ملک میں بدامنی اور افراتفری پھیلانے کی کوشش کے جواب میں شروع کیے تھے، جو ابھی تک جاری ہیں۔

اس رپورٹ کے مطابق سپاہ پاسداران کی زمینی افواج کے کمانڈر جنرل محمد پاکپور نے ان حملوں سے پہلے اور ان حملوں کے دوران عراق کے شمالی علاقے کے حکام کی طرف سے انقلاب مخالف دہشت گرد گروہوں کی سرگرمیوں کو ختم کرنے کا فیصلہ کرنے کی ضرورت کا ذکر کرتے ہوئے کہا کہ فوجی آپریشن، دہشت گردوں کے مکمل خاتمے تک جاری رہیں گے۔

ان کا یہ بھی کہنا تھا کہ ایک حملے میں زمین سے زمین پر مار کرنے والے 73 بیلسٹک میزائلوں اور درجنوں خودکش ڈرون طیاروں نے دہشت گردوں کے مطلوبہ ٹھکانوں اور اہداف کو باریک بینی سے اور اسٹیک طور پر نشانہ بنایا اور ان کو مکمل طور پر تباہ کر دیا اور کردستان ریجن کے حکام کو پہلے ہی اس بارے میں خبردار کر دیا گیا تھا۔