حزب اللہ 40 سال سے امام حسین کے راستے پر چل رہی ہے:نصراللہ

🗓️ 9 اگست 2022

سچ خبریں:لبنان کی حزب اللہ تحریک کے جنرل سکریٹری نے تاکید کی کہ اس تحریک نے گزشتہ چار دہائیوں کے دوران امام حسین کے راستے پر کاربند رہنے کا ثبوت دیا ہے۔
المنار چینل کی رپورٹ کے مطابق لبنان کی تحریک حزب اللہ کے سکریٹری جنرل سید حسن نصراللہ نے پیر کی رات بیروت کے جنوبی مضافات میں امام حسین کے یوم شہادت کے موقع پر ایک تقریر میں تاکید کی کہ ہم امام کی پیروی کا عہد کرتے ہیں، امام حسین کے راستے پر گامزن رہیں۔

انہوں نے کہا کہ ہم محاصرہ، بھوک، قتل و غارت، نفسیاتی جنگ، دہشت گردی کے خطرات اور تمام مشکلات میں امام حسین کے ساتھ اپنے معاہدے کی تجدید کرتے ہیں، رپورٹ کے مطابق نصراللہ نے تاکید کی کہ بہت سارے شواہد موجود ہیں جن سے ظاہر ہوتا ہے کہ حزب اللہ گزشتہ 40 سالوں سے امام حسین کے راستے ، قربانی اور وفاداری کے راستے پر کاربند ہے۔

حزب اللہ لبنان کے سکریٹری جنرل نے امام حسین کی عزاداری کی مجالس کے انعقاد میں شرکت کرنے والے تمام افراد کا سراہنا کیا اور ان کا شکریہ ادا کیا نیز سکیورٹی فورسز اور لبنانی فوج کی طرف سے سکیورٹی کے اتنظامات اور ان مجالس کی حمایت پر بھی شکریہ ادا کیا۔