سچ خبریں:پاکستان کے وزیر دفاع نے دفاعی تعاون کے میدان میں اپنے ملک اور اسلامی جمہوریہ ایران کی اعلیٰ صلاحیتوں کا ذکر کرتے ہوئے خطے میں بالخصوص دہشت گردی کے خلاف جنگ کے میدان میں دونوں ہمسایہ ممالک کے مشترکہ تعاون پر تاکید کی اور کہا کہ تہران اور اسلام آباد علاقائی حل کی حمایت کرتے ہیں نیز خطے میں غیر ملکی طاقتوں کی موجودگی کی مخالفت کرتے ہیں۔
پاکستان کے وزیر دفاع خواجہ محمد آصف اور اس ملک کی حکمران جماعت مسلم لیگ نواز پارٹی کے ایک سینئر رکن جو گزشتہ برسوں میں ایک مدت کے لیے اس ملک کے وزیر خارجہ بھی رہ چکے ہیں، نے 5 سال قبل اپنے دورۂ ایران اور تہران کے سفر، مشہد مقدس اور امام رضا کی بارگاہ میں حاضری کی اچھی یادوں کو یاد کرتے ہوئے دونوں ہمسایہ ممالک کی اچھی ہمسائیگی اور اچھے سیاسی تعلقات کو بہت اہم قرار دیا ، انہوں نے دونوں ممالک کے درمیان قابل قدر تجارتی اور اقتصادی تعاون کو مضبوط بنانے اور اسے فروغ دینے کی ضرورت پر زور دیا۔
انہوں نے زور دے کر کہا کہ یہ دونوں ہمسایہ ممالک کے درمیان سیاسی، ثقافتی تعلقات اور عوام کے درمیان اچھے تعلقات لائق تحسین ہیں ،پاکستانی حکومت کے اس عہدہ دار نے ایرانیوں کی مہمان نوازی کو بیان کرتے ہوئے کہا کہ ایرانی ہمیں بہت عزیز ہیں۔ میں نے ستمبر 2017 میں ایران کا سرکاری دورہ کیا جو میرے لیے ایک یادگار سفر تھا اور مجھے ایسا لگا جیسے میں گھر پر ہوں، اور مجھے مشہد کا سفر کرنے اور امام رضا کے روضہ مبارک کی زیارت کرنے کی بھی خوشی ہوئی۔
