امریکی اشتعال انگیز اقدامات عالمی امن کے خطرہ:ایران

?️ 4 اگست 2022

سچ خبریں:ایران نے امریکی ایوان نمائندگان کی اسپیکر ننسی پلوسی کے دورۂ تائیوان کو اشتعال انگیز قرار دیتے ہوئے متحدہ چین کی حمایت کا اعلان کیا۔
ایرانی ذرائع ابلاغ کی رپورٹ کے مطابق اسلامی جمہوریہ ایران کے وزیر خارجہ حسین امیرعبداللہیان نے اپنے ٹوئٹر پیغام میں کہا ہے کہ تمام ممالک کی ارضی سالمیت کا احترام کرنا بین الاقوامی حقوق کے اصولوں میں سے ہے اور اسی دائرے میں اسلامی جمہوریہ ایران چین کی واحد حکومت کی حمایت کرتا ہے۔

ایران کے وزیر خارجہ نے اس بات پر زور دیا کہ امریکی اشتعال انگیزیاں عالمی امن اور استحکام کے لئے خطرے کی گھنٹی ہیں، واضح رہے کہ امریکی ایوان نمائندگان کی خاتون اسپیکر ننسی پلوسی نے چینی حکام کی وارننگ کے باجود تائیوان کا دورہ کیا۔

واضح رہے کہ بیجنگ نے امریکی اسپیکر کے اقدام پر شدید ردعمل ظاہر کیا ہے، چینی وزیر خارجہ وانگ ای نے اس اقدام کو آگ سے کھیلنے کے مترادف قرار دیا ہے۔

قابل ذکر ہے پلوسی کا دورۂ تائیوان اس قدر اشتعال انگیز ہے کہ خود امریکی حکام بھی اس سے اپنا دامن بچانے کی کوشش کرر ہے ہیں، امریکی صدر جوبائیڈن کا کہنا ہے کہ یہ دورہ نینسی پلوسی کا ذاتی معاملہ ہے جس کا امریکی حکومت سے کوئی لینا دینا نہیں، ٹرمپ نے کہا کہ یہ پاگل تائیوان کیا کرنے گئی ہیں، یہ جہاں جاتی ہیں بگاڑا ہی کرتی ہیں۔