البغدادی کا بھائی اس کا جانشین

?️ 12 جولائی 2022

سچ خبریں:شام کے ایک سکیورٹی ذرائع نے ابو بکر البغدادی کے بھائی کو داعش دہشت گرد گروہ کا نیا خلیفہ منتخب کرنے کا اعلان کیا ہے۔
سومریہ نیوز ایجنسی کی رپورٹ کے مطابق شامی سکیورٹی ذرائع کے مطابق داعش کے سابق سربراہ ابوبکر البغدادی کے بھائی کو اس گروپ کا نیا خلیفہ مقرر کیا گیا ہے،رپورٹ کے مطابق اس ذریعہ نے کہا کہ داعش کے نئے خلیفہ جمعہ عواد ابراہیم البدری ابو محمد الجولانی کے نام سے جانے جاتے ہیں ، اس کا موجودہ لقب ابو الحسن الہاشمی القریشی ہے اور ابوبکر البغدادی کا بھائی ہے۔

اس ذریعے کے مطابق وہ ماضی میں مختلف عہدوں پر فائز رہا ہے جن میں سب سے اہم داعش کی ایڈوائزری کونسل کی سربراہی ہے، کہا جاتا ہے کہ ابوبکر البغدادی 2019 میں امریکی فورسز کے ایک آپریشن میں مارا گیا تھا۔

ابوبکر البغدادی کی موت کی تصدیق کرتے ہوئے ایک پریس کانفرنس میں اس وقت کے امریکی صدر ڈونلڈ ٹرمپ نے اعلان کیا کہ وہ کتے کی طرح روتے ہوئے مارا گیا، تاہم ٹرمپ یہ بھول گئے کہ ان کتے کو امریکہ ہی نے پالا تھا اوراپنے مذموم مقاصد پورے کرنے کے لیے عراق اور شام میں چھوڑا تھا لیکن مزاحمتی تحریک نے ان مقاصد کو پورا نہیں ہونے دیا نیز داعش کو بھی نیست و نابود کر دیا۔