اقوام متحدہ کا افغان عوام کی خطرناک صورتحال پر انتباہ

?️ 7 جنوری 2022

سچ خبریں:اقوام متحدہ کے دفتر رابطہ برائے انسانی امورOCHA نے خبردار کیا ہے کہ اس موسم سرما میں بہت سے افغان شہریوں کی حالت زار مزید بڑھ جائے گی۔
اقوام متحدہ کے دفتر رابطہ برائے انسانی امور (او سی ایچ اے) نے ایک رپورٹ میں کہا ہے کہ گزشتہ 24 گھنٹوں کے دوران شدید برف باری اور بارش سے افغانستان کے کچھ حصے متاثر ہوئے جبکہ کابل ایئرپورٹ سے آنے اور جانے والی پروازوں میں بھی خلل پڑانیز آنے والے دنوں میں مزید برفباری اور کم درجہ حرارت کی پیش گوئی کی گئی ہے۔

تنظیم نے افغانستان کے مختلف علاقوں میں موسم سرما کی امداد کی تقسیم جاری رکھنے کا اعلان کرتے ہوئے خبردار کیا کہ ملک میں شدید سردی اور موجودہ بحران میں لاکھوں افراد کو بہت سے مسائل کا سامنا ہے،اقوام متحدہ کے ترجمان اسٹیفن ڈوجارک نے نیویارک میں ایک میٹنگ کے دوران میڈیا کو بتایا کہ افغانستان کے کئی حصوں میں آنے والے دنوں میں مزید برفباری اور کم درجہ حرارت کی پیش گوئی کی گئی ہے۔،تاہم انسانی ہمدردی پر مبنی اتحادیوں نے دسمبر میں افغانستان بھر میں 7 ملین افراد کو امدادی خوراک فراہم کی۔

واضح رہے کہ افغانستان سے امریکی دہشت گردوں کے غیر ذمہ دارانہ انخلا اور دو دہائیوں سے جاری قبضے کے خاتمے کے بعد افغانستان کے عوام سیاسی، معاشی اور سماجی بحرانوں سے شدید متاثر ہوئے ہیں جبکہ امریکہ اس پربھی راضی نہیں ہوا اور ان کے اثاثے بھی ضبط کر لیے۔