اسرائیل کے خلاف یمنی آپریشنز رکیں گے نہیں : انصاراللہ

سچ خبریں: یمن کی انصاراللہ تحریک کے رکن محمد البخیتی نے واضح کیا ہے کہ غزہ کی حمایت میں ہمارے آپریشنز، چاہے وہ مقبوضہ فلسطین میں ہوں یا بحیرہ احمر میں، جاری رہیں گے۔

انہوں نے امریکہ کے ساتھ ہونے والے معاہدے کی طرف اشارہ کرتے ہوئے کہا کہ یمن نے امریکی جہازوں کو نشانہ بنانے سے گریز کیا، جس کے بدلے میں امریکہ نے یمن پر حملوں کو روکنے پر اتفاق کیا۔ البخیتی نے واضح کیا کہ امریکہ کے ساتھ معاہدہ اسرائیل کے خلاف کارروائیوں پر لاگو نہیں ہوتا۔

انہوں نے زور دے کر کہا کہ امریکہ اور برطانیہ کو اسرائیلی ریاست پر غزہ پر جاری ظلم روکنے کے لیے دباؤ ڈالنا چاہیے۔