اسرائیلی جیلوں میں انسانی حقوق کی پامالی؛ دنیا کو چونکا دینے والے مظالم 

سچ خبریں: فلسطینی ہیومن رائٹس سنٹر کی جاری کردہ ایک رپورٹ میں انکشاف کیا گیا ہے کہ صہیونی ریاست کی جیلوں میں اس وقت انسانی تاریخ کے بدترین اور ہولناک ترین مظالم کا ارتکاب کیا جا رہا ہے۔

رپورٹ میں موجودہ شواہد اور حال ہی میں صہیونی جیلوں سے رہا ہونے والے 100 فلسطینی قیدیوں کے بیانات کی روشنی میں بتایا گیا ہے کہ ان جیلوں میں معصوم قیدیوں پر ہر قسم کے ظلم و ستم، خاص طور پر جسمانی تشدد اور جنسی زیادتیوں کے واقعات پیش آ رہے ہیں۔

رہا ہونے والے قیدیوں نے زور دے کر کہا کہ قیدیوں کو ننگا کرنا، ان کی ویڈیوز بنانا، ذہنی و نفسیاتی اذیتیں دینا، اور تشدد کے آلات سے جان بوجھ کر جسمانی نقصان پہنچانا، ان جیلوں میں ہونے والے معمولی مظالم میں شمار ہوتے ہیں۔

اس کے علاوہ یہ بھی رپورٹ کیا گیا ہے کہ صہیونی فوجیوں نے بارہا فلسطینی مردوں اور خواتین کے خلاف جنسی زیادتیوں کا ارتکاب کیا ہے اور اپنے اس ضد انسانی جرم کو اس حد تک بڑھا دیا ہے کہ اس مقصد کے لیے تربیت یافتہ کتوں کا بھی استعمال کیا جا رہا ہے۔

یہ تمام مظالم اس پس منظر میں ہو رہے ہیں کہ ان جیلوں میں قید فلسطینی معصوم شہری ہیں جو محض غزہ پٹی کے رہائشی ہیں۔ انہی میں سے ایک خاتون قیدی نے بتایا کہ اسے شمالی غزہ پٹی میں ایک چیک پوسٹ پر صہیونی فوجیوں نے گرفتار کر لیا تھا۔