ایرانی میزائل حملوں نے اسرائیلی دفاعی نظام کی قلعی کھول دی ؛عالمی میڈیا کی حیرت انگیز رپورٹ

سچ خبریں:عالمی میڈیا نے اعتراف کیا ہے کہ ایران کے میزائل حملوں نے اسرائیل کے جدید اور کئی سطحی دفاعی نظام کو مکمل طور پر ناکام بنا دیا۔ امریکہ کی حمایت کے باوجود اسرائیل وعده صادق 3 آپریشن میں ایران کے میزائلوں کا مقابلہ نہ کر سکا۔

بین الاقوامی ذرائع ابلاغ نے آپریشن وعدہ صادق 3 کی تجزیاتی رپورٹوں میں اس امر پر اتفاق کیا ہے کہ اسرائیل کا کئی سطحوں پر مشتمل فضائی دفاعی نظام، جو امریکہ کی غیرمشروط مدد سے بھی تقویت یافتہ تھا، ایران کے میزائلوں کے سامنے بُری طرح ناکام رہا۔

یہ بھی پڑھیں: ایران نے صیہونیوں کے ساتھ کیا کیا ہے؟ نیتن یاہو کی زبانی

گزشتہ ہفتے سے جاری اسرائیلی جارحیت کے جواب میں ایران کی جانب سے کیے گئے زبردست میزائل حملے نہ صرف خطے بلکہ عالمی میڈیا میں بھرپور طور پر گونجے،تجزیوں کا خلاصہ یہی ہے کہ ایران کی جانب سے داغے گئے میزائلوں نے اسرائیلی دفاع کو ناکام بنا دیا۔

جرمن خبررساں ادارہ ‘ڈوئچے ویلے’ کے مطابق امریکی انٹیلی جنس نے اعتراف کیا ہے کہ ایران کے پاس مشرق وسطیٰ کے سب سے بڑے بیلسٹک میزائل ذخائر میں سے ایک ہے، جنہیں وہ خود یا اپنے اتحادیوں کے ذریعے استعمال کرتا ہے۔ ان میں وہ میزائل بھی شامل ہیں جو اکتوبر 2024 اور حالیہ حملوں میں اسرائیل پر داغے گئے۔

ماہر اسلحہ فابیان ہینز کے مطابق ایران نے ان حملوں میں مائع اور جامد ایندھن والے میزائلوں کا امتزاج استعمال کیا۔ جامد ایندھن والے میزائل جیسے حاج قاسم، خیبر شکن اور فاتح 1 موبائل لانچرز سے داغے گئے جبکہ مائع ایندھن والے میزائل جیسے عماد، بدر اور خرمشہر عمودی پرتابگر سے۔

مصری تجزیہ کار دکتر طلعت سلامہ نے ‘قاہرہ الیوم’ کو بتایا کہ اسرائیل کا فضائی دفاعی نظام — جس کی دنیا بھر میں تشہیر کی گئی تھی — ایرانی ڈرونز اور میزائلوں کے سامنے بری طرح مفلوج ہو چکا ہے۔ آئرن ڈوم اور ڈیوڈز سلنگ جیسے نظام جدید ایرانی میزائلوں کا مؤثر مقابلہ نہ کر سکے۔

انہوں نے کہا کہ ان حملوں نے اسرائیلی ٹیکنالوجی اور اس کی جنگی حکمت عملی کی ناکامی کو آشکار کیا، اور یہ ثابت کیا کہ ایران جدید دفاعی نظاموں کو شکست دینے کی صلاحیت رکھتا ہے۔

اردنی جنرل (ر) قاصد محمود نے کہا کہ ایران کے میزائل کثیرالمراحل اور انتہائی درست نشانہ لگانے کی صلاحیت رکھتے ہیں۔ ان میں مافوق صوت رفتار، متعدد وارہیڈز اور تیز رفتاری جیسے عناصر شامل ہیں۔ ایران نے منظم طریقے سے اسرائیل کے دفاعی نیٹ ورک کی جانچ کے بعد طاقتور اور درست میزائل استعمال کیے۔

Missile Threat ویب سائٹ نے ایرانی میزائل سجیل پر روشنی ڈالتے ہوئے کہا کہ یہ دو اسٹیج والا جامد ایندھن کا بیلسٹک میزائل ہے، جو شهاب 3 جیسا ہے اور میزائل شکن نظاموں سے بچ نکلنے کی صلاحیت رکھتا ہے۔

سی این این کے مطابق ایران کا فتاح 1 ایک جدید ترین مافوق صوت میزائل ہے، جو مانورایبل وہیکل سے لیس ہے اور دفاعی نظاموں کو چکمہ دینے کی صلاحیت رکھتا ہے۔

عراقی ویب سائٹ سومریہ نیوز نے کہا کہ ایران کے پاس انتہائی جدید کروز میزائل ہیں جیسے خیبر (مار: 2000 کلومیٹر) اور فاتح 2 (مار: 1400 کلومیٹر) جو مافوق صوت اور ہدف پر براہ راست ضرب لگانے والے ہیں۔

اسی رپورٹ میں ذوالفقار اور قاسم جیسے میزائلوں کا بھی تذکرہ ہے جن کی رفتار، دقت اور فوری لانچ کی صلاحیت انہیں دفاعی نظام کے لیے چیلنج بناتی ہے، سومار، رعد، اور دیگر ایرانی میزائلوں کی تکنیکی تفصیلات نے بھی دنیا کی توجہ اپنی طرف کھینچی ہے۔

برطانوی اخبار ‘دی انڈیپینڈنٹ’ نے لکھا کہ ایران کے حملوں نے اسرائیل کے تمام دفاعی حصار کو توڑ دیا۔ اسرائیلی دفاع میں آئرن ڈوم، ڈیوڈز سلنگ، ایرو 3 اور امریکی تھاڈ سسٹم جیسے ہتھیار شامل تھے، لیکن ایرانی میزائلوں نے ان سب کو بے اثر کر دیا۔

مزید پڑھیں:ایران میں دنیا کے سب سے بڑے دفاعی نظام کو شکست دینے کی طاقت

ایران کے میزائل سرزمینِ مقبوضہ کے اندر تک پہنچے، جو کہ اسرائیل کے لیے شدید ناکامی کی علامت ہے۔