آئرن ڈوم کا مرکاوا والا حشر

?️ 21 فروری 2022

سچ خبریں:ایک عرب اخبار نے اپنی ایک رپورٹ میں لبنانی حزب اللہ کے ڈرون کی صیہونی آئرن ڈوم سسٹم کو ناکام کرنے میں کامیابی کو مزاحمتی تحریک کاعظیم فوجی اثر قرار دیا گیا۔
رائے الیوم اخبار کے چیف ایڈیٹر عبدالباری عطوان نے ایک کالم شائع کیا جس میں صیہونی آئرن ڈوم سسٹم کی ناکامی اور اسرائیلی جدید جنگی طیاروں کےحزب اللہ کے ڈرون کو روکنے اور تباہ کرنے میں ناکامی کا جائزہ لیا اور سوال کیا کہ آئرن ڈوم کی اس ذلت آمیز شکست کے بعد بھی خلیج فارس کے کچھ ممالک اس نظام کو امریکہ کے ذریعے تل ابیب سے خریدنے پر اصرار کررہے ہیں؟

واضح رہے کہ حزب اللہ کے سکریٹری جنرل سید حسن نصر اللہ نے گذشتہ بدھ کی شام شہداء کی یادگار کے موقع پر ایک تقریر میں انکشاف کیا کہ اسلامی مزاحمت کے پاس اب ملکی سطح پر ہزاروں "پوائنٹ ٹو پوائنٹ شوٹ” بیلسٹک اور سینکڑوں جدید میزائل موجود ہیں۔

تاہم صیہونی تجزیہ کاروں اور ان کے جرنیلوں نے ان انکشافات کو نظر انداز کرتے ہوئے، حزب اللہ کے ملٹری میڈیا پر جاری ہونے والی ایک ویڈیو پر توجہ مرکوز کی جس میں اسنو بال فائٹ میں مہارت رکھنے والے خصوصی یونٹوں کے بارے میں تازہ ترین راز کے عنوان سے اور صرف سپر پاورز کے پاس موجود صلاحیتوں پر توجہ مرکوز کی۔

یادرہے کہ حزب اللہ کے سکریٹری جنرل کی تقریر سے چند گھنٹے قبل بدھ کی صبح لبنان کے الاعلام الحربی فی المقاومه الاسلامیه کے میڈیا گروپ نے ” بعضٌ من بأسنا ” (ہماری ہمت کا حصہ) کے عنوان سے ایک ویڈیو جاری کی جس میں اس ملک کے پہاڑی علاقوں اور برف سے ڈھکے ہوئے پہاڑوں میں اسنو بال فائٹ میں مہارت رکھنے والے حزب اللہ کے خصوصی یونٹوں مشقیں کرتے ہوئے دکھایا گیا۔

رائے الیوم کے کالم میں مزید آیا ہے کہ یقینی بات یہ ہے کہ سید نصر اللہ کو اچھی طرح معلوم تھا کہ حزب اللہ کا عسکری ونگ جمعہ کو جنوبی لبنان سے ایک ڈرون بھیجنے والا ہے جو مقبوضہ فلسطین کی فضائی حدود میں 40 منٹ کے کامیاب جاسوسی مشن کے لیے جائے گا اور 70 کلومیٹراندر جانے کے بعد بحفاظت واپس آجائے گا جوتمام اسرائیلی ماہرین اور تجزیہ کاروں کو الجھا دے گا اور عرب اسرائیل تنازعہ نیز اس کے نتیجے میں ایک نئے باب کا آغاز کرے گا۔