بالی ووڈ سپر اسٹار کو سانپ نے کاٹ لیا

🗓️ 26 دسمبر 2021

ممبئی (سچ خبریں)بالی ووڈ کے مشہور اور معروف  سپر اسٹار سلمان خان کو اُن کے فارم ہاؤس میں سانپ نے کاٹ لیا جس کے بعد اُنہیں علاج کے لیے ایک نجی اسپتال منتقل کر دیا گیا۔ میڈیا رپورٹ کے مطابق سلمان خان کو کاٹنے والا سانپ زہریلا نہیں تھا اور انہیں علاج کے بعد اسپتال سے دسٹارج بھی کر دیا ہے۔

تفصیلات کے مطابق بھارتی میڈیا کی رپورٹ  سے معلوم ہوا ہے کہ بالی ووڈ سپر اسٹار سلمان خان کو اُن کے پنویل فارم ہاؤس میں سانپ نے کاٹ لیا جس کے بعد اُنہیں کاموٹھے کے ایک نجی اسپتال لے جایا گیا جہاں ان کا علاج و معالجہ کیا گیا۔ رپورٹ کے مطابق، اداکار کی حالت اب خطرے سے باہر ہے اور اُنہیں علاج کے بعد اسپتال سے ڈسچارج بھی کر دیا گیا ہے۔

تاہم ذرائع کے مطابق، سلمان خان کو کاٹنے والے سانپ کے بارے میں بتایا گیا ہے وہ سانپ زہریلا نہیں تھا، وہ تقریباً 6 سے 7 گھنٹے اسپتال میں زیرِ علاج رہے۔ اداکار کے ایک قریبی ذرائع نے حوالہ دیتے ہوئے بتایا ہے کہ سلمان خان  27 دسمبر کو 56 برس کے ہوجائیں گے، وہ پنویل فارم ہاؤس میں اپنی سالگرہ فیملی اور کچھ قریبی دوستوں کے ساتھ منائیں گے۔