پاکستانی وفد کابل کے دورے پر

?️ 21 اکتوبر 2025

سچ خبریں:افغانستان اور پاکستان کے درمیان دوحہ میں طے پانے والے جنگ بندی معاہدے کے بعد پاکستانی اعلیٰ سطحی وفد آج کابل پہنچے گا۔

افغانستان اور پاکستان کے درمیان دوحہ میں طے پانے والے جنگ بندی معاہدے کے بعد، پاکستان کا ایک اعلیٰ سطحی وفد آج کابل پہنچے گا تاکہ طالبان حکومت کے حکام کے ساتھ متعدد اہم مذاکرات کر سکے۔

یہ بھی پڑھیں:افغانستان ایک انتہائی قبائلی اور قدامت پسند معاشرہ ہے: پاکستان

پاکستانی میڈیا نے سرکاری ذرائع کے حوالے سے رپورٹ دی ہے کہ یہ وفد، جس میں کئی اعلیٰ حکام شامل ہیں، کابل میں افغان ہم منصبوں کے ساتھ متعدد ملاقاتیں کرے گا۔
ان مذاکرات کا محور یکساں بارڈر سسٹم نظامِ سند واحد، سرحدی کنٹرول میں بہتری، آمد و رفت کو منظم کرنا اور تجارتی تعلقات کے فروغ پر مرکوز ہوگا۔

اسلام آباد کے حکام نے واضح کیا ہے کہ یہ دورہ پہلے سے طے شدہ تھا اور اس کا تعلق نہ تو طورخم بارڈر کی حالیہ بندش سے ہے اور نہ ہی حالیہ سرحدی کشیدگی سے۔

اس مذاکراتی دورے کا بنیادی مقصد دونوں ممالک کے درمیان اعتماد سازی، دوطرفہ تعاون میں اضافہ اور سرحدی تناؤ میں کمی بتایا گیا ہے۔ فریقین کا ماننا ہے کہ مسلسل اور منظم مذاکرات تجارت کے فروغ اور بارڈر مینجمنٹ کو بہتر بنانے میں مددگار ثابت ہوں گے۔

یہ دورہ، دوحہ میں قطر اور ترکی کی ثالثی سے طے پانے والی جنگ بندی کے بعد، پاکستانی وفد کا کابل کا پہلا باضابطہ سفر ہے ، ایک ایسا معاہدہ جو دونوں ممالک کے درمیان کشیدگی کے خاتمے اور مسلح جھڑپوں کی روک تھام کا باعث بن سکتا ہے۔

گزشتہ برسوں کے دوران افغانستان اور پاکستان کے درمیان بارڈر تنازعات بارہا تجارتی سرگرمیوں کی معطلی اور فریقین کے درمیان کشیدگی کا باعث بنے، سرحدی راستوں کی بندش اور جوابی حملوں نے تجارت اور عوامی آمدورفت کو بری طرح متاثر کیا تھا۔

مزید پڑھیں:طالبان کے ساتھ بات چیت کے لیے چین اور پاکستان کے اقدامات

ماہرین کا کہنا ہے کہ پاکستانی وفد کا یہ دورہ دونوں ممالک کی جانب سے نئی شروعات اور کشیدگی میں نرمی کے عزم کا مظہر ہے، جو دوحہ میں ہونے والے جنگ بندی کے بعد اعتماد سازی کی سمت ایک مثبت قدم ثابت ہو سکتا ہے۔