گیس کی پیداوار میں کمی، سردیوں کی آمد کے پیشِ نظر حکومت مہنگی ایل این جی خریدنے پر مجبور

?️

اسلام آباد: (سچ خبریں) تقریباً ایک سال کے وقفے کے بعد موسم سرما میں گیس کی طلب میں اضافے کے پیشِ نظر پاکستان کو گزشتہ روز 2 اضافی مائع قدرتی گیس (ایل این جی) کارگوز کی فراہمی کے لیے 3 بولیاں موصول ہوگئیں جو کہ موجودہ اسپاٹ مارکیٹ کے حساب سے نمایاں طور پر زیادہ قیمت پر ہیں۔

میڈیا رپورٹس کے مطابق نگران وزیر پیٹرولیم محمد علی نے بعدازاں شام کو اعلان کیا کہ حکومت نے ملکی گیس کی پیداوار میں کمی کے بعد سردیوں میں گیس کی قلت سے نمٹنے کے لیے 2 سب سے کم تخمینہ شدہ بولیوں کو قبول کر لیا ہے تاکہ لوڈ مینجمنٹ کو اسی سطح پر برقرار رکھا جا سکے جو کہ گزشتہ برس موسم سرما میں تھی۔

ستمبر میں ایک بین الاقوامی ٹینڈر میں پاکستان ایل این جی لمیٹڈ (پی ایل ایل) نے گزشتہ روز دوپہر کو مقرر کردہ بولی کی آخری تاریخ کے ساتھ دسمبر کے دوسرے اور تیسرے ہفتے میں ڈیلیوری کے لیے 2 ایل این جی کارگوز کی خریداری کے لیے بولی مانگی تھی، جواب میں 2 ٹریڈرز نے 3 بولیاں دی تھیں۔

ایل این جی ٹریڈر ’ٹرافیگورا لمیٹڈ‘ نے 7-8 دسمبر اور 13-14 دسمبر کی ڈیلیوری ونڈوز کے لیے بالترتیب 18.39 ڈالر فی ملین برٹش تھرمل یونٹ (ایم ایم بی ٹی یو) اور 19.39 ڈالر فی ایم ایم بی ٹی یو کی 2 بولیاں لگائیں، دوسری جانب ’وٹول بحرین‘ نے 7-8 دسمبر کی ڈیلیوری ونڈو کے لیے 15.97 فی ایم ایم بی ٹی یو کی بولی کی قیمت پیش کی۔

لہٰذا بولی کمیٹی نے 7-8 دسمبر کے لیے ’وٹول بحرین‘ کی 15.97 فی ایم ایم بی ٹی یو بولی اور 13-14 دسمبر کی ڈیلیوری ونڈو کے لیے ’ٹرافیگورا لمیٹڈ‘ کی 19.39 فی ایم ایم بی ٹی یو بولی کو سب سے کم تخمینہ شدہ بولی قرار دیا۔

نہ صرف ’ٹرافیگورا لمیٹڈ‘ کی بولیاں کافی مہنگی ہیں بلکہ ’وٹول بحرین‘ کی 15.97 ڈالر فی ایم ایم بی ٹی یو کی سب سے کم قیمت کی بولی بھی قطر گیس کے دوسرے طویل مدتی معاہدے کی قیمت سے تقریباً دوگنی ہے اور 900 ملین کیوبک فٹ فی دن (ایم ایم سی ایف ڈی) سپلائی کرنے والے موجودہ 9 ایل این جی کارگوز کی اوسط باسکٹ پرائس سے 60 فیصد زیادہ ہے۔

ایک عہدیدار نے بتایا کہ ’وٹول بحرین‘ نے 2 ڈالر فی ایم ایم بی ٹی یو سے زیادہ کی بولی لگائی تھی جو کہ عالمی مارکیٹ میں اسپاٹ ریٹ سے تقریباً 13 فیصد زیادہ تھی، اس کی وجہ بظاہر پاکستان کی کریڈٹ ریٹنگ اور ’رسک فیکٹر‘ ہے۔

حالیہ مہینوں میں اسپاٹ مارکیٹ میں ایل این جی کی سپلائی بحال اور اس کی قیمت نمایاں کمی کے ساتھ یوکرین جنگ سے پہلے والی سطح پر آئی جس کی وجہ سے پی ایل ایل نے موسم سرما میں گیس کی قلت کے پیش نظر بولیوں کے حصول کا فیصلہ کیا، تاہم پاکستان کی منفی کریڈٹ ریٹنگ اور یورپ کی موسم سرما کے لیے توانائی کی ضروریات کے سبب ایل این جی ٹریڈرز کو نمایاں طور پر زیادہ قیمت پر کارگو آفر کرنے کا موقع مل گیا۔

مشہور خبریں۔

متحدہ عرب امارات کا افغان ہوئی اڈوں کا انتظام اسرائیل کے حوالے

?️ 25 جولائی 2022سچ خبریں:اسرائیل میں شائع ہونے والی رپورٹوں سے پتہ چلتا ہے کہ

گل پلازہ سانحےکا سیاسی مقاصد کیلئے استعمال بڑا جرم ہے۔ مراد علی شاہ

?️ 23 جنوری 2026کراچی (سچ خبریں) وزیراعلیٰ سندھ مراد علی شاہ نے کہا ہے کہ

ٹرمپ پر مقدمہ نہ چلایا گیا تو امریکہ تباہ ہو جائے گا:نیویارک ٹائمز

?️ 25 جولائی 2022سچ خبریں:امریکی اخبار کے کالم نگار نے کہا کہ سابق امریکی صدر

کیا امریکہ ایران جنگ ہو سکتی ہے؟

?️ 29 جنوری 2024سچ خبریں: امریکی مسلح افواج کے سربراہ نے اے بی سی نیوز

کیا بائیڈن کے دور میں غزہ میں جنگ بندی ہو سکے گی؟وال اسٹریٹ جرنل کی رپورٹ

?️ 21 ستمبر 2024سچ خبریں: امریکی اخبار وال اسٹریٹ جرنل نے اعلیٰ امریکی حکام کے حوالے

باب المندب میں خلل کے باعث سعودی تیل کی برآمدات میں نمایاں کمی

?️ 8 ستمبر 2026سچ خبریں:رسل ہارڈی، چیف ایگزیکٹو آف وٹول، جو دنیا کی سب سے

میں نے پیوٹن کے ساتھ کئی مہینوں سے کوئی بات چیت نہیں کی: میکرون

?️ 25 جون 2024سچ خبریں: فرانسیسی صدر نے تصدیق کی کہ ان کی گزشتہ چند

عرب رہنماؤں کا ٹرمپ کو پیغام؛ جنگ روکنا خطے کے مفاد میں ہے

?️ 24 مئی 2026 سچ خبریں:نیوز ایجنسی ایکسیوس نے ایک ذریعے کے حوالے سے رپورٹ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے