پولیو وائرس چارسدہ بھی پہنچ گیا، ملک کے مزید 8 اضلاع میں وائرس کی تصدیق

🗓️

اسلام آباد: (سچ خبریں) پاکستان میں پولیو وائرس کے پھیلاؤ میں مسلسل اضافہ ہورہا ہے، دو روز قبل ملک بھر میں پولیو کے 4 کیسز رپورٹ کے ہونے کے بعد گزشتہ روز ملک کے مزید 8 اضلاع میں پولیو وائرس کی موجودگی کا انکشاف ہوا ہے۔

میڈیا رپورٹس کے مطابق نیشنل انسٹی ٹیوٹ آف ہیلتھ میں پولیو کے خاتمے کے لیے قائم ریجنل ریفرنس لیبارٹری کے مطابق وائلڈ پولیو وائرس ٹائپ ون (ڈبلیو پی وی 1) پہلے سے متاثرہ 7 اضلاع سے جمع کیے گئے ماحولیاتی نمونوں میں پایا گیا ہے۔

اس کے علاوہ یہ وائرس خیبر پختونخوا کے ضلع چارسدہ بھی پہنچ گیا جو پہلے پولیو وائرس سے غیر متاثرہ ضلع شمار ہوتا تھا۔

ان 8 نئے اضلاع میں کیسز رپورٹ ہونے کے بعد رواں سال ملک بھر میں مجموعی طور پر متاثرہ اضلاع کی تعداد 83 تک پہنچ گئی ہے۔

اس کے علاوہ رواں سال ملک میں پولیو وائرس کے 63 کیسز رپورٹ ہوئے ہیں۔ رپورٹ ہونے والے کیسز اور ماحولیاتی نمونوں میں وائرس کی موجودگی وائرس کے پھیلاؤ کے اشارے ہیں۔

قومی ادارہ صحت کے مطابق رواں برس ملک میں اب تک 63 کیسز رپورٹ ہوئے ہیں، جن میں سے سب سے زیادہ 26 کا تعلق بلوچستان سے ہے جب کہ خیبرپختونخوا سے 18، سندھ سے 17 اور پنجاب، اسلام آباد سے ایک، ایک کیس رپورٹ ہوا۔

لیبارٹری حکام کے مطابق چارسدہ، ڈی آئی خان، راولپنڈی، قمبر، جامشورو، قلعہ سیف اللہ، بارکھان اور مستونگ سے سیوریج کے نمونے لیے گئے جن میں ڈبلیو پی وی ون کی تصدیق ہوئی ہے۔

حکام کا کہنا ہے کہ چارسدہ سے رواں سال سیوریج کے نمونوں میں پہلی بار مثبت کیس کی تصدیق ہوئی، پولیو وائرس کے ملک بھر میں تیزی سے پھیلاؤ نے ملک بھر میں بچوں میں ایسی خطرناک بیماری پھیلنے کا خطرہ ہے جو انہیں زندگی بھر کے لئے مفلوج کر سکتی ہے۔

دو روز قبل پولیو سے متاثر ہونے والے ڈیرہ اسمٰعیل خان کی تحصیل درہ زندہ کی 33 ماہ کی بچی، ٹانک کی 48 ماہ کی بچی، جیکب آباد کی تحصیل تھل کی 36 ماہ کی بچی اور سکھر کا 11 سال کا بچہ شامل ہیں۔

11 سالہ بچے میں پولیو وائرس انتہائی تشویشناک ہے کیونکہ عام طور پر 5 سال سے کم عمر کے بچے اس بیماری سے متاثر ہوتے ہیں۔

تاہم، ایک عہدیدار نے ڈان کو بتایا کہ متاثرہ بچے کی والدہ نے بار بار ڈائریا کی شکایات کی ہیں، کسی دائمی بیماری میں مبتلا بچے اس بیماری کا شکار رہتے ہیں۔

مشہور خبریں۔

صیہونیوں پر حزب اللہ اور ایران کا خوف طاری

🗓️ 23 مارچ 2022سچ خبریں:صیہونی ذرائع ابلاغ کا کہنا ہے کہ صیہونی حکام پر ایران

میری جماعت کو اتحادیوں پر مکمل اعتماد ہے، اتحادی بہت وضع دار لوگ ہیں:شاہ محمود قریشی

🗓️ 14 مارچ 2022اسلام آباد(سچ خبریں)وزیر خارجہ شاہ محمود قریشی نے  صحافیوں سے بات کرتے

پاکستان کا کورونا کی نئی قسم کی منتقلی روکنے کیلئے اہم فیصلہ

🗓️ 3 مئی 2021اسلام آباد (سچ خبریں) پاکستان نے اپنے پڑوسی ممالک سے کورونا کی

آپ کو پتہ ہے پاکستان میں چلنے والی مقامی چیٹ ایپلی کیشنز کون سی ہیں؟

🗓️ 7 فروری 2021اسلام آباد {سچ خبریں} آپ کو پتہ ہے کہ حال ہی میں

فلسطینی شہداء اور زخمیوں کی تعداد میں اضافہ

🗓️ 17 اکتوبر 2023سچ خبریں: فلسطینی وزارت صحت نے ایک بیان جاری کرکے غزہ میں

سیلاب اترتے ہی عمران خان اسلام آباد کی کال دیں گے، شیخ رشید

🗓️ 4 ستمبر 2022راولپنڈی: (سچ خبریں)عوامی مسلم لیگ کے سربراہ اور سابق وزیر داخلہ شیخ

قومی سلامتی کمیٹی کا انسداد دہشت گردی آپریشنز کا اعلان، انتخابات کے امکانات میں مزید کمی

🗓️ 8 اپریل 2023اسلام آباد:(سچ خبریں) پنجاب میں مئی کے وسط میں انتخابات کے حوالے

حج کے موسم میں مکہ میں غیر قانونی داخلے پر جرمانہ

🗓️ 15 جون 2023سچ خبریں:سعودی عرب کی پبلک سیکیورٹی نے اعلان کیا ہے کہ حج

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے