پنجاب حکومت مشکل اور دکھ کی گھڑی میں عوام کے شانہ بشانہ کھڑی ہے۔ عظمی بخاری

?️ 28 اگست 2025

لاہور (سچ خبریں) وزیر اطلاعات و ثقافت پنجاب عظمی بخاری نے کہا ہے کہ پنجاب حکومت ہر مشکل گھڑی، ہر شہر اور ہر تکلیف میں اپنے عوام کے شانہ بشانہ کھڑی ہے۔

انہوں نے کہا کہ وزیراعلی پنجاب کا وعدہ ہے کہ وہ عوام کے ساتھ ہر سکھ دکھ میں کھڑے رہیں گے اور ان کے مسائل کے حل کے لیے ہر ممکن اقدام کریں گے۔

عظمی بخاری نے مزید کہا کہ انتظامیہ، ریسکیو ورکرز، سول ڈیفنس اور پاک فوج کے جوان متاثرہ شہریوں کو ریسکیو کرنے اور ان کی مدد کے لیے دن رات مصروفِ عمل ہیں۔ اس کے ساتھ ساتھ محکمہ صحت کا عملہ بھی عوام کو ہر ممکن ریلیف فراہم کرنے کے لیے پوری طرح متحرک ہے۔

وزیر اطلاعات پنجاب نے مختلف شہروں میں متاثرہ افراد کو ریسکیو کرنے کی ویڈیوز بھی شیئر کیں اور کہا کہ پنجاب حکومت مشکل وقت میں عوام کو تنہا نہیں چھوڑے گی۔