پنجاب: اراضی جعلسازی کیس میں مسلم لیگ (ن) کے رکن قومی اسمبلی گرفتار

?️ 27 دسمبر 2022

اسلام آباد:(سچ خبریں) محکمہ اینٹی کرپشن پنجاب نے سرکاری اراضی جعلسازی کیس میں پاکستان مسلم لیگ (ن) کے رکن قومی اسمبلی (ایم این اے) چوہدری محمد اشرف کو گرفتار کرلیا۔

محکمہ اینٹی کرپشن کی طرف سے دائر کردہ ایف آئی آر کے مطابق رکن قومی اسمبلی ملزم چوہدری محمد اشرف نے محمد سلیم پٹواری اور ریاست علی گرداور سے مل کر 157 ایکڑ 1 کنال 16 مرلے سرکاری اراضی جعلسازی اور فراڈ سے جعلی گرداوری بنا کر اپنے قبضہ میں رکھی ہوئی تھی۔

ایف آئی آر کے مطابق چوہدری محمد اشرف نے ایک فرضی شخص شریف احمد ہاشمی کو زمین کا جعلی الاٹی ظاہر کرکے سرکاری اراضی پر قبضہ کیا ہوا تھا۔

ایف آئی آر میں بتایا گیا ہے کہ ملزم نے جعلی گرداوریاں بنا کر سرکاری ریکارڈ میں جعلسازی کرتے ہوئے فصل کاشت کر رہا ہے جس کی رقم بھی سرکاری کو ادا نہیں کی۔

ایف آئی آر میں مزید بتایا گیا ہے کہ ملزم نے روینیو عملے کی ملی بھگت سے سرکاری اراضی کے جعلی دستاویزات بنا رکھے تھے اور اس جرم میں روینیوں کے متعلقہ ملازمین بھی برابر کے شریک ہیں۔

ایف آئی آر کے مطابق ملزم نے سرکاری خزانے کو کروڑوں روپے کا نقصان پہنچایا ہے، لہٰذا ملزمان کے خلاف کاررائی عمل میں لائی جائے۔

تاہم محکمہ اینٹی کرپشن نے انکوائری کرکے چوہدری محمد اشر ف کو گرفتار کرلیا۔ ایف آئی آر کے مطابق چوہدری محمد اشرف نے ایک فرضی شخص شریف احمد ہاشمی کو زمین کا جعلی الاٹی ظاہر کرکے سرکاری اراضی پر قبضہ کیا ہوا تھا۔

ایف آئی آر میں بتایا گیا ہے کہ ملزم نے جعلی گرداوریاں بنا کر سرکاری ریکارڈ میں جعلسازی کرتے ہوئے فصل کاشت کر رہا ہے جس کی رقم بھی سرکاری کو ادا نہیں کی۔ خیال رہے کہ ملزم چوہدری محمد اشرف ساہیوال کے حلقہ 161 سے مسلم لیگ (ن) کے رکن قومی اسمبلی ہیں۔