پاکستان کو ریڈلسٹ سے نکالنے کے فیصلے کو سراہتے ہیں: بزدار

?️ 18 ستمبر 2021

لاہور (سچ خبریں) وزیراعلیٰ پنجاب عثمان بزدار نے برطانیہ کے پاکستان کو ریڈ لسٹ سے نکالنے کے فیصلے کا خیرمقدم کرتے ہوئے کہا ہے کہ پاکستان کو ریڈلسٹ سے نکالنے کے فیصلے کو سراہتے ہیں، فیصلے سے بیرون ملک مقیم پاکستانیوں کو بے پناہ ریلیف ملے گا۔ برطانیہ پاکستان کا ایک اہم دوست ملک اور تجارتی شراکت دار ہے۔

تفصیلات کے مطابق وزیراعلیٰ پنجاب عثمان بزدار کی جانب سے برطانیہ کے پاکستان کو ریڈ لسٹ سے نکالنے کے فیصلے کا خیرمقدم کرتے ہوئے کہا برطانیہ کےپاکستان کو ریڈلسٹ سے نکالنے کے فیصلے کو سراہتے ہیں۔

عثمان بزدار کا کہنا تھا کہ برطانیہ کی جانب سےپاکستانیوں کیلئے سفری پابندیوں کاخاتمہ خوش آئند ہے، فیصلے سے بیرون ملک مقیم پاکستانیوں کو بے پناہ ریلیف ملے گا، برطانیہ پاکستان کا ایک اہم دوست ملک اور تجارتی شراکت دار ہے۔

یاد رہے گورنرپنجاب نے برطانوی حکومت کاپاکستان کوریڈلسٹ سے نکالنے پر اظہارمسرت کرتے ہوئے اس حوالے سے برٹش پاکستانی پارلیمنٹرین کے کردار کو سراہا۔گورنرپنجاب کا کہنا تھا کہ برطانوی سفیر،این سی او سی،وزارت صحت کی کوششیں قابل تعریف ہیں، ریڈلسٹ سےنکلناپاکستانی برطانوی شہریوں کیلئےخوش آئندہے، ناز شاہ،یاسمین قریشی،افضل خان کاکردارقابل ستائش ہے۔

بعد ازاں وزیرخارجہ شاہ محمودقریشی نے دوشنبے سے پیغام میں کہا کہ پاکستان کوریڈلسٹ سےنکالنےکی اطلاع ملی ہے، ابھی جواطلاع ملی وہ انتہائی باعث مسرت ہے، پاکستان نے سائنسی بنیادوں پر اعدادو شمار پیش کیے۔شاہ محمودقریشی کا کہنا تھا کہ خوشی ہےآج ہماری کاوشیں رنگ لےآئیں، برطانوی وزیرخارجہ کیساتھ ریڈ لسٹ کا معاملہ اٹھایا تھا۔