وفاقی وزیر داخلہ کی عراقی سفیر حامدعباس لفطاہ سے ملاقات

?️

اسلام آباد:(سچ خبریں)وفاقی وزیر داخلہ رانا ثناء اللہ اور پاکستان میں عراق کے سفیر جناب حامد عباس لفطاء کے درمیان ہونے والی ملاقات میں پاکستان اورعراق کے درمیان “زائرین معاہدے” کوحتمی شکل دینے کے حوالے سے بات چیت کی گئی

پاک ،عراق زائرین معاہدے کی یادداشت پر رواں برس دستخط کرنے پراتفاق کیا گیا۔اس کے علاوہ زائرین کی سفری سہولت کیلئے کراچی اور بصرہ کے درمیان جلدفیری سروس شروع کرنے پربھی اتفاق ہوا ہے۔

ملاقات میں عراق جانے والے پاکستانی زائیرین کیلئے ویزا کوٹہ مختص کرنے کی تجویز پر بھی اتفاق کیا گیا۔

جبکہ عراق جانے والے پاکستانی زائیرین کیلئے ویزا کوٹہ میں اضافہ اوردیگر سفری سہولیات کےحوالے سے تجاویز پر تبادلہ خیال کیا گیا۔

وزیر داخلہ کی جانب سے معزز سفیر کو اربعین کے موقع پر پاکستانی زائرین کے ویزوں کی تعداد میں خصوصی اضافہ کرنے کی بھی درخواست کی گئی ہے۔

وزیر داخلہ نے اربعین امام حسین کیلئے 60 ہزار پاکستانی زائیرین کو ویزا جاری کرنے پر عراقی سفیراورحکومت کا شکریہ اداء کیا جبکہ عراق، ایران انٹری پوائنٹس پر پھنسے پانچ ہزار پاکستانی زائرین کوکربلا داخل ہونے کی خصوصی اجازت دینے پربھی شکریہ اداء کیا۔

وزیر داخلہ نے کہا کہ پاکستان،عراق زائرین معاہدے پر بلاتاخیر دستخط کرنا چاہتے ہیں اور ہماری طرف سے معاہدہ حتمی ہے، عراقی حکومت سے زائرین معاہدے کی جلد توثیق کی درخواست ہے۔ انھوں نے مزید کہا کہ پاکستان سے لاکھوں عقیدت مند ہرسال کربلامعلے، بغداد شریف اورنجف جاتے ہیں اور معاہدے سے زائرین نواسہ رسول امام حسین کیلئے بہترین ویزا اورسفری سہولیات میسرہوں گیں۔

انہوں نے کہا کہ معاہدے سے پاکستانی زائرین کیلئے ویزا کوٹہ مختص ہوگا، پیشہ وارانہ ٹور آپریٹرز دستیاب ہونگے۔

وزیر داخلہ نے نیک خواہشات کا اظہار کرتے ہوئے کہا کہ پاکستان ،بصرہ اورکراچی کے درمیان فیری سروس کا آغازبھی بلا تاخیر کرنے کاخواہشمندہے۔

ان کا کہنا تھا کہ عراقی وزیر داخلہ نے میری درخواست پراربعین امام حسین کیلئے کربلا جانے والے پاکستانی زائیرین کیلئے معطل ویزوں کو بحال کیا،انکا شکرگزار ہوں اور پاکستانی زائرین کو ایران کے ذریعےعراق داخل ہونے کی اجازت پر بھی عراقی حکومت کا شکرگزار ہوں۔

عراق کے سفیر جناب حامد عباس لفطاہ کا کہنا تھا کہ پاکستان اور عراق کے تعلقات تاریخی ، برادرانہ اور انتہائی دیرینہ ہیں۔

انھوں نے مزید کہا کہ زائرین معاہدہ پاکستان اور عراق کے درمیان تعلقات میں وسعت اورمضبوطی لائیگا۔ معزز سفیر عراق کا کہنا تھا کہ معاہدے سے پاکستانی زائرین کیلئے بہترین ویزا سہولیات میسر ہونگی۔

مشہور خبریں۔

9 مئی جلاؤ گھیراؤ کیس: شیریں مزاری کی ضمانت منظور

?️ 25 مارچ 2024راولپنڈی: (سچ خبریں) راولپنڈی کی انسداد دہشتگردی عدالت نے 9 مئی کو

صہیونی قیدیوں کا غصہ اور فریاد

?️ 6 اپریل 2025سچ خبریں: تحریک حماس کے عسکری ونگ عزالدین القسام بریگیڈز نے گذشتہ

امریکی چودھراہٹ کے سامنے جھکنے والے نہیں:ایران

?️ 6 اپریل 2022سچ خبریں:ایران کا کہنا ہے کہ وہ کسی بھی صورت میں امریکی

بشار الاسد کی عرب لیگ میں واپسی کے پیچھے کیا راز ہیں؟

?️ 21 مئی 2023سچ خبریں:19 مئی 2023 بروز جمعہ سعودی عرب کے شہر جدہ میں

ایرانی ایٹمی معاہدے سے نکلنا ہماری سب سے بڑی غلطی تھی:امریکہ

?️ 8 دسمبر 2021سچ خبریں:وال سٹریٹ جرنل کو انٹرویو دیتے ہوئے امریکی وزیر خارجہ نے

نئے انکشافات نے پھر شریف فیملی کو مافیا ثابت کردیا: فواد چوہدری

?️ 26 دسمبر 2021اسلام آباد(سچ خبریں) وفاقی وزیر اطلاعات فوادچوہدری کا کہنا ہے کہ  شریف

حکومت نے اسٹیٹ بینک ترمیمی بل منظور کروا لیا

?️ 28 جنوری 2022اسلام آباد(سچ خبریں) اپوزیشن کی مخالفت کے باوجود ایوان بالا میں اسٹیٹ

امریکی ایلچی کی سعودی عہدیداروں سے ملاقات

?️ 13 ستمبر 2022سچ خبریں:یمن کے امور کے لیے امریکہ کے خصوصی ایلچی نے سعودی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے