سچ خبریں: پاکستان پیپلزپارٹی کی رہنما اور صدر پاکستان آصف زرداری کی صاحبزادی، آصفہ بھٹو زرداری نے قومی اسمبلی میں اپنے پہلے خطاب میں وفاقی بجٹ کو عوام دشمن قرار دیتے ہوئے مسترد کر دیا۔
قومی اسمبلی میں اپنے پہلے خطاب کے دوران آصفہ بھٹو زرداری نے کہا کہ انہیں اس ایوان کا حصہ بننے پر فخر ہے، لیکن اس وقت ملک میں تاریخ کی سب سے زیادہ مہنگائی اور بے روزگاری ہے۔
یہ بھی پڑھیں: نئے مالی سال کا وفاقی بجٹ تاجر اور کاروبار دوست ہوگا، اسحٰق ڈار
انہوں نے سوال کیا کہ کیا یہ بجٹ عوام کی امنگوں کے مطابق ہے؟ کسانوں، مزدوروں اور غریبوں کے لیے اس بجٹ میں کچھ نہیں ہے۔ انہوں نے کہا کہ نئے سال کا بجٹ عوام کی نمائندگی نہیں کرتا، بجٹ کی ترجیحات میں کسان اور عام آدمی کو ریلیف فراہم کرنا چاہیے تھا۔ کیا پاکستان کے عوام اس عوام دشمن بجٹ کے مستحق ہیں؟
آصفہ بھٹو زرداری نے کہا کہ ہمیں عام آدمی کے ریلیف کے لیے آگے بڑھنا ہوگا، اور کسانوں کو مضبوط کرنا ہوگا جو کبھی سیلاب، کبھی گندم درآمد کے مسئلے کا شکار ہوتے ہیں۔
مزید پڑھیں: وزیر اعلیٰ بلوچستان کا وفاقی بجٹ اجلاس کے بائیکاٹ کا اعلان
انہوں نے مزید کہا کہ ہمیں ملک کے غریب ترین شہریوں کو سہولیات فراہم کرنا ہوں گی اور پاکستان اور قوم کی خوشحالی کے لیے کام کرنا ہوگا۔
