وزیر تعلیم نے چیف الیکشن کمشنر اور دیگر ارکان سے مستعفی ہونے کا مطالبہ کر دیا

?️ 15 مارچ 2021

اسلام آباد (سچ خبریں) وفاقی وزیر تعلیم شفقت محمود نے چیف الیکشن کمشنر اور دیگر ارکان سے مستعفی ہونے کا مطالبہ کردیا ہے، ان کا کہنا ہے کہ کوئی بھی جماعت سینیٹ کےالیکشن سےخوش نہیں ہے ، سینیٹ کے الیکشن میں جوہوا اس کی ناکامی الیکشن کمیشن کی ہے۔

تفصیلات کے مطابق اسلام آباد دیگر وفاقی وزراء کے ہمراہ ایک پریس کانفرنس کرتے ہوئے انہوں نے کہا کہ پاکستان تحریک انصاف ملک کی سب سےبڑی جماعت ہے اسے الیکشن کمیشن پرکوئی اعتماد نہیں ، اگر ملک کی دوسری سیاسی جماعتوں سے پوچھاجائےتو ان کوبھی الیکشن کمیشن پرتحفظات ہیں اور کوئی بھی جماعت سینیٹ کےالیکشن سےخوش نہیں ہے۔

وزیر تعلیم نے کہا کہ سینیٹ کےالیکشن میں جوہوااس کی ناکامی الیکشن کمیشن کی ہے ، تمام معاملات میں اگر ناکامی ہے تو وہ الیکشن کمیشن کی ہے ، الیکشن کمیشن اپنی ذمے داریاں نہیں نبھا سکا اور ناکام رہا ، سپریم کورٹ نےکہاووٹنگ کاطریقہ بدلنےکیلئے پارلیمنٹ سےرجوع کرناہوگا۔

ان کاکہنا تھا کہ موجودہ حالات میں الیکشن کمیشن نہیں چل سکتا ، سیاسی جماعتوں کو الیکشن کمیشن پر اعتماد نہیں رہا ، اس لیے موجودہ الیکشن کمیشن اپنی ذمہ داریوں سے دستبردار ہو۔شفقت محمود نے کہا کہ سپریم کورٹ کی رائےپرہماراوفدالیکشن کمیشن گیا ، ہم نےچیف الیکشن کمشنرسےکہاکہ کرپٹ پریکٹس روکنےکاطریقہ کاراپنایاجائے۔

انہوں نے مزید کہا کہ  الیکشن کمیشن کی ذمےداری ہےکہ ایسےالیکشن کرائے جوشفافیت پرمبنی ہوں ، لیکن الیکشن کمیشن نےہماری تجویزنہیں مانی ، اس لیے الیکشن کمیشن کومجموعی طورپراستعفیٰ دیناچاہیئے ، چوں کہ الیکشن کمیشن نیوٹرل ایمپائرکاکردار ادانہیں کررہاالیکشن کمیشن مستعفی ہوں ، الیکشن کمیشن ایسابنناچاہیےجس پرسب سیاسی جماعتوں کااعتمادہو۔