نئے ڈی جی آئی ایس آئی کی تقرری کو متازعہ بنانا انتہائی نامناسب ہے: فواد چوہدری

?️ 14 اکتوبر 2021

اسلام آباد (سچ خبریں) وفاقی وزیر فواد چوہدری نے نئے ڈی جی آئی ایس آئی کی تقرری سے متعلق اہم بیان دیتے ہوئے کہا ہے کہ تقرری کاعمل جلدمکمل ہوجائے گا، ایک طبقہ اس معاملے پر اپنے کھیل میں ناکام ہوگیا ہے،اب کہا جا رہا ہے کہ وزیر اعظم نئےڈی جی آئی ایس آئی کیلئے انٹرویو کریں گے۔

تفصیلات کے مطابق وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر اپنے پیغام میں کہا ہے کہ نئے ڈی جی آئی ایس آئی کی تقرری کاعمل جلدمکمل ہوگا، مخصوص طبقہ اس معاملے پر جو کھیل کھیلنا چاہتا تھا وہ ناکام ہو چکا ہے ، اب کہا جا رہا ہے کہ وزیر اعظم نئےڈی جی آئی ایس آئی کیلئے انٹرویو کریں گے۔فواد چوہدری کا کہنا تھا کہ ان عہدوں پر تعیناتی سے قبل ملاقات عمومی روایت ہے ، ایسے عمل کو بھی متنازع بنانا انتہائی نامناسب ہے۔

گذشتہ روز وفاقی وزیر فواد چوہدری کا کہنا تھا کہ وزیر اعظم اور آرمی چیف کے درمیان نئے ڈی جی آئی ایس آئی کی تقرری پر مشاورت مکمل ہوگئی ہے اور نئےڈی جی آئی ایس آئی کی تقرری کاپراسس شروع ہوچکا ہے۔فواد چوہدری کا کہنا تھا کہ ایک بارپھرسول اورفوجی قیادت نےثابت کردکھایا کہ ملک کے استحکام،سالمیت ،ترقی کے لئے ادارے متحد اور یکساں ہیں۔