مودی کو رافیل پر بڑا غرور تھا، طیارے پرندوں کی طرح نیچے گرے۔ مصدق ملک

?️ 12 مئی 2025

اسلام آباد (سچ خبریں) وفاقی وزیر موسمیاتی تبدیلی ڈاکٹر مصدق ملک نے کہا ہے کہ نریندر مودی کو رافیل طیاروں پر بڑا غرور تھا، رافیل طیارے پرندوں کی طرح نیچے گرے۔

تفصیلات کے مطابق وفاقی وزیر مصدق ملک نے کہا ہے کہ بھارت نے سیزفائر کے لیے امریکا سے رابطہ کیا، سیزفائر ہونا پاکستان کی فتح ہے۔

ذرائع کے مطابق وفاقی وزیر نے کہا کہ پاکستان نے تو ہمیشہ ڈائیلاگ کی بات کی ہے، بھارت کو دوبارہ منہ کی کھانا پڑی، بھارت نے اگر مذاکرات ہی کرنا تھے تو پہلے اتنا نقصان نہ کرواتے۔

مصدق ملک نے کہا کہ بھارت سے اب برابری کی سطح پر ہی بات چیت ہوگی، اس جنگ پر بہت سی کتابیں لکھی جائیں گی، تینوں مسلح افواج کے سربراہان کے شکرگزار ہیں۔

انہوں نے کہا کہ بھارت کی درخواست پر سیزفائر ہوا، بھارتی میڈیا نے فیک نیوز کو پھیلایا، پاکستانی قوم کو اپنی مسلح افواج اور میڈیا پر فخر ہے۔