مخصوص نشستوں کے فیصلے کے بعد حکومتی اتحاد کو دو تہائی اکثریت حاصل

?️ 28 جون 2025

اسلام آباد (سچ خبریں) مخصوص نشستوں کے حوالے سے سپریم کورٹ کے فیصلے کے بعد حکومتی اتحاد کو ایوان میں دو تہائی اکثریت حاصل ہو گئی۔

تفصیلات کے مطابق سپریم کورٹ کے فیصلے سے قبل حکومتی اتحاد میں شامل جماعتوں کے ارکان کی مجموعی تعداد 218 تھی جس میں مسلم لیگ (ن) کے 110، پیپلز پارٹی کے 70، ایم کیو ایم کے 22 اور مسلم لیگ (ق) کے 5 ارکان شامل تھے۔

ذرائع کے مطابق اپ ڈیٹ کی گئی جماعتی پوزیشن کے مطابق اپوزیشن کے ارکان کی مجموعی تعداد 100 ہے جس میں سنی اتحاد کونسل کے 80، پی ٹی آئی کی حمایت یافتہ 8 آزاد امیدوار اور جمعیت علمائے اسلام (ف) کے 8 ارکان شامل ہیں۔

سپریم کورٹ کے فیصلے کے بعد مسلم لیگ (ن) کو 15، پیپلز پارٹی کو 4 اور جے یو آئی (ف) کو 3 اضافی نشستیں مل گئیں، اس طرح اب قومی اسمبلی میں مسلم لیگ (ن) کے ارکان کی تعداد 125، پیپلز پارٹی کے 74 اور جے یو آئی (ف) کی 11 ہو گئی ہے۔

ان اضافی نشستوں کے ساتھ حکومتی اتحاد نے 336 رکنی ایوان میں 237 نشستیں حاصل کر لی ہیں جو دو تہائی اکثریت (224 نشستیں) سے زیادہ ہیں۔