?️
اسلام آباد:( سچ خبریں) تین روز مسلسل بہتری کے بعد انٹربینک مارکیٹ میں صبح کی تجارت کے دوران ڈالر کے مقابلے میں روپے کی قدر میں 1.1 روپے کی کمی واقع ہوئی ہے۔فاریکس ایسوسی ایشن آف پاکستان کے اعداد و شمار کے مطابق دوپہر پونے 12 بجے مقامی کرنسی 219.7 روپے فی ڈالر پر ٹریڈ ہو رہی تھی۔
مالیاتی ڈیٹا اور تجزیاتی پورٹل میٹس گلوبل کے ڈائریکٹر سعد بن نصیر نے کہا کہ روپے کی قدر میں کمی کی بنیادی وجہ بین الاقوامی مارکیٹ میں ڈالر کے انڈیکس میں اضافہ اور اس کی مضبوطی ہے۔
ان کا کہنا تھا کہ ہمارا کرنٹ اکاؤنٹ خسارہ قابو میں ہے، آنے والے دنوں میں روپے کی قدر میں اضافہ ہو گا، یہ اضافہ 219 روپے سے 222 روپے فی ڈالر کی حد میں رہے گا، یہ کوئی غیر معمولی بات نہیں ہے۔
روئٹرز نے آج کے اوائل میں رپورٹ کیا کہ ڈالر لگاتار تیسرے ہفتہ وار اضافے کی طرف بڑھ رہا تھا اور یورو اور ین کے مقابلے دہائیوں میں اپنی بلند ترین سطح کے قریب کھڑا تھا۔
ڈالر انڈیکس نے راتوں رات دو دہائیوں کی بلند ترین سطح تک رسائی حاصل کی اور 109.51 سے 109.51 پر پہنچ گیا، امریکی فیڈرل ریزرو کے چیئر جیروم پاول نے کہا کہ افراط زر پر قابو پانے کے لیے شرح سود کچھ عرصے کے لیے بلند رکھنا ہو گی۔
دریں اثنا، ایکسچینج کمپنیز ایسوسی ایشن آف پاکستان کے جنرل سیکریٹری ظفر پراچہ نے کہا کہ روپے کی قدر میں کمی درآمدی بل پر دباؤ اور افغانستان کو اسمگلنگ میں اضافے کی وجہ سے ہوئی۔
انہوں نے کہا کہ حالیہ سیلاب نے انفراسٹرکچر، مکانات، کارخانوں اور فصلوں کو تباہ اور مویشیوں کو ہلاک کر دیا ہے، اس کے نتیجے میں حکومت نے سیلاب متاثرین کے لیے موصول ہونے والی اشیا پر ڈیوٹی ختم کر دی ہے، اس کے علاوہ ملک نے غذائی قلت کو کم کرنے کے لیے فوری طور پر سبزیوں کی درآمد شروع کردی ہے۔
ظفر پراچہ نے کہا کہ حکومت کی جانب سے غیر ضروری اور لگژری اشیا کی درآمد پر پابندی کے خاتمے سمیت یہ تمام عوامل درآمدی بل کو متاثر کریں گے۔
ایکسچینج کمپنیز ایسوسی ایشن آف پاکستان کے جنرل سیکریٹری نے کہا کہ قانون نافذ کرنے والے اداروں کی کوششوں کے باوجود اسمگلنگ میں اضافہ ہوا ہے، ہمیں ایران اور افغانستان کی سرحدوں اور ہوائی اڈوں پر کرنسی کی اسمگلنگ کو روکنا ہوگا، انہوں نے مشورہ دیا کہ ایجنسیوں کو چاہیے کہ وہ کرنسی اسمگل کرنے والے کو پکڑنے والوں کے لیے 50 فیصد انعام کا اعلان کریں، چیزیں قابو میں آ جائیں گی۔
ظفر پراچہ نے کہا کہ جن اشیا پر حکومت نے بھاری ریگولیٹری ڈیوٹی عائد کی تھی ان کی اسمگلنگ میں بھی اضافہ ہوا ہے جس کی وجہ سے ڈالر کی مانگ میں اضافہ ہوا ہے۔
انہوں نے افغانستان کے ساتھ ٹرانزٹ ٹریڈ معاہدے پر نظرثانی کا مطالبہ کرتے ہوئے کہا کہ یہ پاکستان کے زرمبادلہ اور محصولات کو ‘کھا’ رہا ہے۔
جمعرات کو پاکستان کسٹمز کی جانب سے شیئر کیے گئے عارضی اعداد و شمار سے ظاہر ہوتا ہے کہ اگست میں درآمدی بل 13.5 فیصد کم ہو کر 5.7 ارب ڈالر رہ گیا جو گزشتہ سال کے اسی مہینے میں 6.59 ارب ڈالر تھا۔
جولائی میں درآمدات 12.81 فیصد کم ہو کر 4.86 ارب ڈالر رہ گئیں جو گزشتہ سال کے اسی مہینے میں 5.57 ارب ڈالر تھیں۔
ماہانہ بنیادوں پر درآمدی بل میں 17.28 فیصد اضافہ ہوا۔
28 جولائی کو روپیہ 239.94 کی ریکارڈ کم ترین سطح پر پہنچ گیا تھا، اس کے بعد مسلسل 11 سیشنز تک روپے کی قدر میں اضافہ ہوا اور 16 اگست کو انٹربینک میں 213.90 روپے پر بند ہوا۔
تاہم، مقامی کرنسی میں 17 اگست سے دوبارہ گراوٹ کا رجحان دیکھا گیا اور 29 اگست تک 8.02 روپے کمی واقع ہوئی، گزشتہ تین سیشنز کے دوران روپے کی قدر میں پھر اضافہ ہوا اور روپے کی قدر میں گراوٹ سے قبل تین دن لگاتار ڈالر کی قدر میں کمی واقع ہوئی۔


مشہور خبریں۔
سوڈان میں جمعرات کو ہونے والے مظاہروں میں 3 ہلاک
?️ 7 جنوری 2022سچ خبریں: سوڈان لبریشن اینڈ چینج گروپس نے اقوام متحدہ کی سلامتی
جنوری
متاثرین سیلاب کو بجلی کے بل بھیجنا مناسب نہیں، آئی ایم ایف صورتحال کو سمجھ گیا، وزیر خزانہ
?️ 14 ستمبر 2025کمالیہ: (سچ خبریں) وفاقی وزیر خزانہ محمد اورنگزیب نے کہا ہے کہ
ستمبر
صیہونیوں نے خطہ کے استحکام کو نشانہ بنایا ہوا ہے:ایران
?️ 29 دسمبر 2021سچ خبریں:ایران نے صیہونیوں کی جانب سے شام کی لاذقیہ بندرگاہ پر
دسمبر
جنگ بندی کی قرارداد کے خلاف امریکہ کے ویٹو کا کیا مطلب ہے؟
?️ 10 دسمبر 2023سچ خبریں: حماس کے ایک سینئر رکن نے سلامتی کونسل کی قرارداد
دسمبر
انتخابات کے دوسرے دور میں ایرانیوں کی شرکت میں اضافہ
?️ 6 جولائی 2024سچ خبریں: ایرانی صدارتی انتخابات کے دوسرے مرحلے میں ووٹوں کی گنتی کے
جولائی
وزیر خزانہ نے مہنگائی کی اصلی وجہ بتا دی
?️ 16 ستمبر 2021اسلام آباد (سچ خبریں) تفصیلات کے مطابق وزیرخزانہ شوکت ترین کی زیرصدارت
ستمبر
بین گوئیر کے تل ابیب میں اشتعال انگیز بیانات
?️ 4 اگست 2024سچ خبریں: اسرائیلی وزیر برائے داخلی سلامتی Itmar Ben Gower نے دعویٰ
اگست
امریکا کی جانب سے روس پر پابندیاں، متعدد پاکستانی کمپنیاں بھی زد میں آگئیں
?️ 17 اپریل 2021واشنگٹن (سچ خبریں) امریکا کے سرکاری بیان میں یہ بات سامنے آئی
اپریل