شیخ رشید کا پولیس اہلکاروں کی بھرتی سے متعلق اہم اعلان

?️ 21 اکتوبر 2021

اسلام آباد (سچ خبریں) وزیرداخلہ شیخ رشید  نے پولیس اہلکاروں کی بھرتی کے حوالے سے اہم اعلان کرتے ہوئے کہا ہے کہ  اسلام آبادپولیس میں ایک ہزارمزید اہلکاروں کی بھرتی کی منظوری دے دی ہے اور پولیس کی تنخواہیں بہتر بنانے کی کوششیں جاری ہیں اسلام پولیس کا شہدا پیکج پنجاب پولیس کے برابر کردیاہے۔

تفصیلات کے مطابق وزیرداخلہ شیخ رشید نے پاسنگ آؤٹ پریڈ کے بعد میڈیا سے گفتگو کرتے ہوئے کہا پاس آؤٹ ہونیوالوں کو مبارکباد دیتا ہوں، اسلام پولیس کا شہدا پیکج پنجاب پولیس کے برابر کردیاہے اور اسلام آبادپولیس میں ایک ہزارمزید اہلکاروں کی بھرتی کی منظوری دے دی ہے۔

شیخ رشید کا کہنا تھا کہ میرے دور میں پولیس شہدا کیلئے ایک ارب روپے دیئے گئے، آپ نےاس شہرملک کومحفوظ بنانےکیلئےجانوں کے نذرانے دیےہیں، میری خواہش ہےکہ اسلام آبادپولیس کی تنخواہ بہتربنائی جائے۔انھوں نے مزید کہا کہ اسلام آبادپولیس کی تنخواہیں بہتربنانےکی کوششیں جاری ہیں، اسلام آباد کو محفوظ بنانے کےلئے ڈرونزکااستعمال کیا جائے گا۔

مہنگائی اور دیگر مسائل کے حوالے سے وفاقی وزیر کا کہنا تھا کہ کل کاجلوس بتارہاتھاکہ سکون ڈاٹ کام ہے، کوئی سمجھ رہاہےعمران خان کی مسائل پر نظر نہیں تویہ بھول ہے، عمران خان کی تمام مسائل پر پوری نظرہے، عمران خان کی قیادت میں مہنگائی کےجن کوبوتل میں بندکریں گے اور انشااللہ ہم تمام مسائل پر قابوپائیں گے۔

فرانسیسی سفیر سے متعلق شیخ رشید نے مزید کہا کہ فرانسیسی سفیرکوہٹانےکامطلب یورپی یونین سے تعلقات کشیدہ کرلیں، ملک میں مدینے کی ریاست کیلئےعمران خان کام کررہاہے ، ختم نبوتﷺ کا مجھ سےبڑاسپاہی ہے تو اپنا نام بتائے گھرجا کرمبارک دوں گا۔

اپوزیشن کے احتجاج کے حوالے سے ان کا کہنا تھا کہ کسی نےقانون ہاتھ میں نہ لیادائرےمیں احتجاج کیاتوایکشن نہیں ہوگا، کسی نےقانون ہاتھ میں لیاتوقانون انہیں ہاتھ میں لےگا، کوشش ہوتی ہے لڑائی جھگڑا،دنگافسادکم ہو، 40کیمرےلگےہوئےہیں ان سب پراحتجاج جاتاہے۔