سیکیورٹی فورسز کا لوئر دیر میں آپریشن، انتہائی مطلوب خارجی سمیت دو دہشت گرد ہلاک

?️

راولپنڈی: (سچ خبریں) سیکیورٹی فورسز نے تیمرگرہ میں آپریشن کرتے ہوئے انتہائی مطلوب خارجی حفیظ اللہ عرف کوچوان سمیت دو خوارجیوں کو ہلاک کردیا۔

تفصیلات کے مطابق پاک فوج کے شعبہ تعلقات عامہ ( آئی ایس پی آر) کی جانب سے کہا گیا کہ لوئر دیر کے علاقے تیمرگرہ میں سیکیورٹی فورسز کا آپریشن کیا، دس اور گیارہ اپریل کی درمیانی شب خوارج کی موجودگی کی اطلاع پر انٹیلی جنس بیسڈ آپریشن کیا گیا۔

سیکیورٹی اہلکاروں نے خوارج کے ٹھکانے کا محاصرہ کرکے موثر کارروائی کی، اس دوران شدید فائرنگ کے تبادلے میں انتہائی مطلوب خارجی حفیظ اللہ عرف کوچوان سمیت دو خوارج مارے گئے۔

ترجمان کا کہنا تھا کہ حکومت نے حفیظ اللہ کوچوان کے سر کی قیمت ایک کروڑ روپے مقرر کررکھی تھی، حفیظ اللہ کوچوان سیکیورٹی فورسز اور شہریوں کے خلاف متعدد دہشت گردی کی کارروائیوں میں ملوث تھا۔

پاک فوج کے ترجمان نے کہا کہ علاقے میں کسی ممکنہ خارجی کو ختم کرنے کے لیے سینیٹائزیشن آپریشن بھی کیا گیا، سیکیورٹی فورسز ملک سے دہشت گردی کی لعنت کو ختم کرنے کیلئے پرعزم ہیں۔

وزیراعظم شہباز شریف نے لوئردیر میں دو دہشت گردوں کوہلاک کرنے پرسیکیورٹی فورسز کو خراج تحسین پیش کیا اور کہا انسانیت کے دشمنوں کے مذموم عزائم کو اسی طرح خاک میں ملاتے رہیں گے اور ملک سے دہشت گردی کے خاتمے تک ہماری دہشت گردوں سے جنگ جاری رہے گا۔

وزیر داخلہ محسن نقوی نے لوئر دیر میں کامیاب انٹیلی جنس بیسڈ آپریشن پر فورسز کو خراج تحسین پیش کرتے ہوئے مطلوب خوارجی حفیظ اللہ سمیت 2دہشتگردوں کی ہلاکت پر فورسز کی ستائش کی۔

انھوں نے کہا کہ سکیورٹی فورسز نے بروقت کارروائی کرکے خوارجیوں کے عزائم کو ناکام بنایا، دونوں دہشتگرد جہنم واصل کرنے پر سکیورٹی فورسز کو سلام پیش کرتے ہیں ، سکیورٹی فورسز کی بہادری اور پیشہ وارانہ صلاحیتوں کی قوم معترف ہے۔

محسن نقوی کا کہنا تھا کہ قیام امن کیلئے پوری قوم سکیورٹی فورسزکے ساتھ کھڑی ہے، خوارجی دہشتگردوں کےخاتمےتک آپریشن جاری رہیں گے۔

مشہور خبریں۔

داسو واقعہ کی تحقیقات آخری مراحل میں ہے

?️ 18 جولائی 2021اسلام آباد(سچ خبریں) تفصیلات کے مطابق اسلام آباد میں میڈیا کو بریفنگ

کیا عمران خان 9 مئی کے واقعات پر معافی مانگنے پر راضی ہو گئے؟

?️ 9 اگست 2024سچ خبریں: پی ٹی آئی کے بانی اور سابق وزیراعظم عمران خان

ڈینگی کیسز میں اضافہ، ہسپتالوں میں مریضوں کا رش، اموات بھی بڑھنے لگیں

?️ 25 ستمبر 2022اسلام آباد: (سچ خبریں) ملک بھر میں ڈینگی کے تیزی سے پھیلاؤ

مرد ایک بیوی کو سنبھال نہیں پاتے، زائد کو کیسے خوش رکھیں گے؟ ثمن انصاری

?️ 26 مارچ 2025کراچی: (سچ خبریں) سینئر اداکارہ و ٹی وی میزبان ثمن انصاری کا

ٹرمپ افغانستان میں موجود امریکی ہتھیار واپس لے: پاکستان

?️ 8 مارچ 2025سچ خبریں: پاکستان کی وزارت خارجہ کے ترجمان شفقت علی خان نے

سویڈن میں اسلام  فوبیا بڑھتا ہوا

?️ 8 جون 2023سچ خبریں:پریس ٹی وی کے مطابق سویڈن میں گھریلو کارکنوں کے اعدادوشمار

شام میں موجود امریکی فوجیوں کی تعداد

?️ 11 اگست 2022سچ خبریں:شام میں سکیورٹی امور کے ایک ماہر نے اس ملک میں

مریم نواز کی 100 روزہ کارکردگی کی ویڈیوز کا راز

?️ 7 جولائی 2024سچ خبریں: حال ہی میں پاکستان کے سب سے بڑے صوبے پنجاب

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے